Төрийн байгууллагуудын үйл ажиллагааны ил тод байдлыг хангах зорилгоор 2015 оноос эхлэн Шилэн дансны тухай хууль хүчин төгөлдөр мөрдөгдөж эхэлсэн. Үүгээр иргэд татварт төлсөн мөнгөө хэрхэн хуваарилагдаж, зарцуулагдаж байгааг мэдэх, хянах боломжтой юм. Гэвч тус хуулийн хэрэгжилт хангалтгүй явж ирсэн нь Төрийн өмчийн зарим компаниудын данс хөтлөлтөөс харагдсан юм. 

Түүнчлэн яам, тамгын газрууд ч хуулийн хэрэгжилтийг хангахгүй, дансаа хөтлөхгүй байгаа аж. Тодруулбал, Соёлын сайд, ХНХ-ын сайд, Эрүүл мэндийн сайд нар шилэн дансаа зургаадугаар сараас хойш хөтлөөгүй байгааг “Шилэн” Цогоо онцлоод цаг тухайд нь бөглөхийг шаардсан юм.

Ийнхүү түүний дараагийн аудит сайд нар руу чиглэж байна. 

“Шилэн” Цогоог намынхаа эсрэг ажиллаж бусдын өгөөш болгож байна хэмээн зарим журмын нөхөд нь шүүмжилж, намын гишүүнчлэлээс хасахыг шаардаж буй талаар өмнө нь яригдаж байсан ч тэгсхийгээд намжив бололтой. Ямартай ч шударга үнэний дуу хоолой болж, сөрөг хүчний дайтай хэмээн иргэд түүнд талархалтай байна лээ.

А.Сүх