Монгол Улсын Үндсэн хуульд зааснаар иргэн бүр эрүүл, аюулгүй орчинд аж төрөх эрхтэй. Гэтэл энэ эрхээ нийслэл хотын иргэд бид эдэлж чадаж байгаа юу гэж асуувал "тийм" гэж хариулах хүн цөөн байх. Нөгөө л нэг гэрэлтүүлэггүй байдал, их борооны дараа зам нь "гол" шиг үеэрлэдэг нэгэн хэвийн хэвшмэл амьдрал үргэлжилнэ. Бидний амьдрах орчныг өөд татах үүрэгтэй Хотын Захирагчийн ажлын албаныхан ямар ажил хийдэг юм бол гэж гайхах иргэд олон.

Улаанбаатар хотод хийх шаардлагатай олон ажил бий. Гэтэл нийслэл хот жилд эзэнгүй нохой, муур устгалын ажилд жилд НЭГ тэрбум гаруй төгрөг зарцуулж байна.

Энэ талаар "Шилэн" Цогоо баримтаар дэлгэжээ. Тодруулбал, нийслэл хот сар бүр эзэнгүй нохой, муур устгалд 89,211,360 төгрөг зарцуулдаг бөгөөд үүнд сэг зэмийг дарж булахад 20.2 сая төгрөг, мөн хяналт тавих ажилд 11 сая төгрөг зарцуулдаг гэжээ. Сар бүр зарцуулдаг дээрх мөнгийг 12 сард үржүүлж үзвэл нийслэл хот жилд 1,070,536,320 төгрөг зарцуулж байгаа юм. 

Тэгвэл он гарсаар эзэнгүй нохой, муур устгалд 624 сая төгрөг зарцуулсан гэсэн үг.

Дээрх их хэмжээний мөнгө Хотын менежер Т.Гантөмөрийн гарын үсгээр баталгаажиж, гарын салаагаар нь урсаж байна гэхэд хилсдэхгүй. 

Сонирхолтой нь, сар бүр нохой, муур устгалд хяналт тавих 11 сая төгрөгийг хэнд төсөвлөдөг вэ. Хэний гараар урсаад алга болдог гэдгийг Хотын менежер Т.Гантөмөр та тайлагнах ёстой. 

А.Сүх