Ерөнхийлөгч У.Хүрэлсүх энэ сарын 22-нд Завхан аймгийн Отгон сумын нутаг дэвсгэрт орших Отгонтэнгэр хайрханыг тахих ёслолд оролцохоор болжээ. Энэ нь түүний Ерөнхийлөгч болсноосоо хойш тахиж байгаа хоёр дахь хайрхан юм.

Тэрбээр наймдугаар сарын 9-нд Төрийн тахилгат Сутай хайрханыг тахих ёслолд оролцож байсан. Тэгвэл хоёр долоо хоног ч хүрэлгүй дараагийн хайрханаа тахихаар Завхан нутгийг зорихоор бэлдэж буй гэнэ.

Өмнөх ёслолтой холбоотой хэл ам намжаагүй байхад дахин уул тахих болсон нь олон иргэдийн дургүйцлийг хүргэж байна. Тодруулбал, цар тахалтай үед олноороо уул тахих ёслолд оролцож, жийп хөлөглөсөн дарга нар нь газрын хөрс эргүүлж байна хэмээн шүүмжлэлтэй хандаж байсан юм.

А.Сүх