Хүүхэд бүр өдөржин тоглож, ээж аавынхаа хайраар өсөх гэж энэ хорвоод ирсэн. Гэвч гуравхан настай бяцхан охин төрөлхийн гар сарвууны гажигтайн улмаас хүүхдүүд шоглож, бараг л найзгүй гэсэн. Түүнтэй ихэр эгч нь л найз болж, хамтдаа тоглодог.  

Бяцхан охин Анугийн хувьд нөгөө ихэр цаашлаад бусад хүүхүүдийн адил эрүүл болох чин хүсэлтэй. Гэсэн ч Монголд охиныг хуруутай болгох мэс засал хийх боломжгүй, гадаад улсыг зорилоо гэхэд төлбөр нь 300-400 сая орчим төгрөг. Өөрөөр хэлбэл, дөнгөж амьдралаа босгож байгаа залуу гэр бүлийн хувьд энэ нь дааж давашгүй хүнд асуудал юм.

Харин Монголд үйл ажиллагаа явуулдаг гар сарвууны “Doctor uur hospital” эмнэлэг Энэтхэг болон Хятад улсаас нарийн мэргэжлийн эмч зуулчилж өгөх боломжтой гэсэн хариу өгчээ. Ингэснээр  гадаадад хийгдэх үнэтэй хагалгааг монголдоо боломжийн үнээр хийлгэж болох юм.

Анугийн аав том машин барьдаг. Тэр гэр бүлээ хоолтой нь залгуулахаас гадна охиныхоо эмчилгээний төлбөрийнг хугасыг ч болтугай олохоор өдөр шөнөгүй ажилладаг.  Харин ээж Отгонжаргалын хувьд ээмэг, бугуйвч, хүзүүний зүүлт зэрэг гоёл хатгаж худалдан эмчилгээний төлбөрт хадгалж байгаа юм байна лээ.

Манай улсын өнөөгийн нөхцөлд ихэнх айл өрх зээлээс зээлийн хооронд амьдарч байгаа бөгөөд залуу гэр бүлүүдэд өөрсдөө амьдралаа босгох тун хүндрэлтэй ийм л нийгэм гэдгийг бүгд мэднэ. Үүний л нэгэн адил гадаадад үнэтэй хийх зардлыг эмч нар урьж монголдоо хийлгэхээр болсон ч залуу гэр бүлд гаргаад өгөх бэлэн 80 сая төгрөг хаа байх билээ.

Бяцхан охин Анугийн хагалгаа есдүгээр сард товлогдсон. Гэсэн ч тэд өөрсдөөсөө харамлан байж хураагаад 6 сая гаруй төгрөг цуглуулжээ.

Тиймээс Ану охин сайн санаат Монгол ахан дүүсээс үеийнтэйгээ инээд хөөртэй хөл нийлүүлэн алхахад минь туслаач гэж гуйж буй нь энэ юм. Бяцхан охинд амьдрал бэлэглэцгээе, Монголчууд аа.

А.Сүх