"XXI зууны Монголын ирээдүй-2100 оюутан" талаар Ерөнхийлөгчийн Тамгын газар, Боловсрол, шинжлэх ухааны яам хамтран мэдээлэл хийлээ.

ЕТГ-ын дарга Я.Содбаатар “Хичээлийн шинэ жил эхлэх гэж буйтай холбогдуулан Ерөнхийлөгч У.Хүрэлүх Ерөнхийлөгчийн нэрэмжит тэтгэлэг бий болгохоор шийдвэрлэлээ.

Ингэхдээ Монгол Улсын сум, нийслэл, хороо бүрийн төлөөллийг жигд хангаж тухайн жилийн элсэлтийн ерөнхий шалгалтад хамгийн өндөр оноо авсан тус бүр нэг иргэнийг сонгон шалгаруулж, дотоодын төрийн өмчийн их сургуулийн дэлхийн шилдэг их сургуульд суралцуулахад бэлтгэх хөтөлбөрт элсүүлэх, хоёрдугаарт, тэтгэлгийн бэлтгэл хөтөлбөрийг амжилттай төгсөж дэлхийн шилдэг их, дээд сургуулийн баклаврын үндсэн хөтөлбөрт суралцах эрх авсан иргэнд сургалтын тэтгэлэг олгох.

Гуравдугаарт, боловсролын асуудал хариуцсан төрийн захиргааны төв байгууллага хүлээн завшаарсан олон улсын олимпиадад медальт байранд шалгарч, олон улсад хүлээн зөвшөөрөгдсөн байгууллагын тогтоосон зэрэглэлээр дэлхийн шилдэг 100 сургуулийн их, дээд сургуулийн баклаврын үндсэн хөтөлбөрт сжралцах эрх авсан иргэнд сургалтын тэтгэлэг олгох, дөрөвдүгээрт, тэтгэлэгт шаардлагатай зардлыг жил бүр улсын төсөвт тусгах.

Тавдугаарт, амжилттай суралцаж, төгсөж ирсэн иргэнийг ажлын байраар хангахтай холбоотой асуудлыг холбогдох хууль тогтоомжид тусгах, зургаадугаарт, Ерөнхийлөгчийн нэрэмжит тэтгэлгийг хууль тогтоомжийн дагуу батлан гаргах гэсэн зарлиг гарсан.

Энэ дагуу Засгийн газар маргааш журам батлуулна.

Түүнчлэн 2021 оны олон улсын математик, хими, физик, биологи зэрэг хичээлийн таван төрлийн олимпиадад манай сурагчид амжилттай оролцсон. Үүнтэй холбоотойгоор тусгайлан зарлиг гаргасан. Тодруулбал, олон улсын олимпиадад амжилт үзүүлсэн иргэнд Ерөнхийлөгчийн нэрэмжит тэтгэлгийг нэг удаа олгох санаачилгыг дэвшүүлсэн" гэлээ. 

А.Сүх