Монгол Улсын Үндсэн хуульд хүнийг үндэс, угсаа, хэл, арьсны өнгө, нас, хүйс, боловсролоор нь ялгаварлан гадуурхаж үл болно гэж заасан байдаг. Гэтэл НИТХ-ын төлөөлөгч, Нийслэлийн Зам, тээврийн асуудал хариуцсан төслүүдийн удирдагч Б.Одсүрэнд хүний эрхийн мэдрэмж огт байхгүй бололтой.

Тэрбээр өөрийн цахим хуудснаа "Хүүхдэдээ ийм тоглоом авч өгсөн байсан юм. Гэтэл ижил хүйстнийг дэмжсэн, өдөөсөн өнгө, логоо, туг, яриа байдгийг олж мэдлээ. Онцгүй сэтгэгдэл төрлөө, тоглоомыг хогын саванд хийсэн, мөн нийтийн тээвэрт мөнгө төлж рекламаа тавиулсан байсныг нь бас хуулууллаа" хэмээсэн нь олны дургүйцлийг төрүүлж байна. 

Түүнийг зургийг нь хуулуулсан сурталчилгаа нь нийгмийн цөөнх буюу "ЛГБТ" төвийн өдөрлөгийн танилцуулга байсан юм. 

Үнэхээр тэрбээр дээрх өнгөнд онцгүй сэтгэгдэл төрж, эгдүүцсэн бол энэхүү коммунизмаа НАМЗХ-ноос эхлүүлэх учиртай байлтай. Түүний харьяалагддаг намын НАМЗХ-ны лого нь дээрх өнгөтэй ижил. Тэгэхээр Б.Одсүрэн энэхүү коммунист арга барилаа нийтийн тээврээс бус НАМЗХ-ноос эхлүүлэх хэрэгтэй юм.

Б.Баатар