Өнөөдөр хэлмэгсдийн дурсгалыг хүндэтгэх өдөр тохиож байна. Энэ хүрээнд хэлмэгсдийн хөшөөнд хүндэтгэл үзүүллээ.

Энэ үеэр Цагаатгах ажлыг удирдан зохион байгуулах улсын комиссын дарга, УИХ-ын гишүүн С.Одонтуяа “Хэлмэгсдийн нэр төрийг сэргээх, үр хүүхдэд нь та бүхний өвөг дээдэс хэрэг хийгээгүй юм байна, хэлмэгдсэн байна гэдгийг ойлгуулах нь маш чухал ажил болоод байна. Мөн улс төрөөр хэлмэгдүүлэлт үргэлжилсээр байгаа. Тиймээс би ажлаа авснаасаа хойш хойч үе, нийгэмдээ соён гэгээрүүлэхэд онцгой анхааран ажиллаж байна.

1922-2990 он хүртэл тодорхой хулийн хугацаа зааж, энэ хугацаанд хэлмэгдсэн хүмүүсийг шүүхээр цагаатгасан.

Түүнчлэн 1990 оноос хойш улс төрийн хэлмэгдүүлэлт газар авсаар байгаа учраас хууль санаачилж, хэлмэгдсэн хүмүүсийг цагаатгах ажлыг хийхээр судалгаа, шинжилгээ хийж байна. Эцсийн шийдвэрийг шүүхээс гаргана. Харин Цагаатгах ажлын комисс гэрчийн мэдүүлэг өгөх, бэлтгэх ажлыг хангах чиглэлээр ажилладаг. Энд маргаантай зүйл маш их гардаг. Зарим нь би өв залгамжлагч гэхэд өөр өв залгамжлагч гарч ирдэг. Үүнд судалгаатай ажиллахгүй бол их хэмжэний нөхөн олговор олгодог юм.

Тухайлбал, цаазаар авахуулсан хүмүүсийн ар гэрт 80 сая, шоронд хилсээр ял эдэлсэн хүмүүсийн ар гэрт 40 сая төгрөг олгодог.

Нийт 700 иргэний асуудал шүүхээр шийдэгдсэн байгаа боловч төсвийн хүндрэлээс үүдэн 37 тэрбум төгрөгийг олгож чадахгүй явж байна. Хэлмэгдсэн хүмүүсийн нэр төрийг сэргээж, ар гэрт нь нөхөн олговор олгоход хуулийн хугацаа хоёр жил байдаг. Энэ хугацаанд багтаж нөхөн олговорыг нь олгохоор ажиллаж байна” гэлээ.

Б.Лхам