УИХ-ын чуулганы нэгдсэн хуралдаан болж байна. Чуулганаар Монгол Улс, Олон улсын сэргээн босголт, хөгжлийн банк хоорондын зээлийн хэлэлцээр (Улаанбаатар хотын тогтвортой авто зам, тээвэр төсөл)-ийг соёрхон батлах тухай хуулийн төслийг хэлэлцэж байна. УИХ-ын гишүүн Н.Алтанхуяг үг хэлж, асуулт асуув. Тэрбээр “УИХ-ын гишүүд унтаа байдлаасаа сэрмээр юм. Чухал асуудал ярьж байхад гадуур тэнээд явах юм. Өнөөдөр энэ зээлийг авбал 1 тэрбум 200 орчим сая долларын зээлийг гадаадаас гуйлга гуйж авах юм. Зээл авч болно л доо. Гэхдээ энэ 100 сая доллароор чинь юм босохгүй. Нийслэлийн бодлого төлөвлөлт гэж зүйл үеийн үед байгаагүй юм. 30 тэрбумаар нь газар чөлөөлнө гэнэ. Галзуурч байгаа биз. 100 сая доллар чинь ч үрэн таран болно. Би зөндөө хэлж байгаа, бодлого төлөвлөлтөө сайжруулж болдоггүй юм уу. Гудамж төсөл уг нь чухал байсан. Гэтэл өчигдөр асуухад гудамж төслийг Сангийн яаманд өгчихөж. Сангийн яаманд гудамж төсөл элэнцэгээ хийдэг байна. 720 тэрбум төгрөгийг хэрэгтэй зүйлд нь зарцуулбал их юм хийнэ дээ" гэв.

Б.Жаргал