УИХ-ын Чуулганы нэгдсэн хуралдаан болж байна. Чуулганы үеэр “Оюу толгой”-н хэлэлцээрийн тухай Хууль зүй, дотоод хэргийн сайд, УИХ-ын гишүүн Х.Нямбаатар гишүүдийн асуултад ингэж хариулав. Тэрбээр “Хэлэлцээр хийгээд айлын талд тавьж болох бүх боломжит саналаа тавьсан. Хойч үедээ үлдээхийн тулд  бичгээр санал тавьж, бичгээр хариу авч байгаа. Цаашид яахыг хэлж мэдэхгүй байна.

Бид УИХ-ын түвшинд Засгийн газраас өргөн барьсан төслөөс агуулгын хувьд 2, 3 зүйл заалтад өөрчлөлт орж байна.

Өөрөөр хэлбэл, Далд уурхайг дуусгахын тулд хөрөнгө оруулагч тал санхүүжилтээ олно. Энэ нь Монголын талд өр болж ирэхгүй. Төсөл дээр тодорхой хэмжээний санхүүжилт оруулчихаад эргүүлж авахгүй бизнест ямар хөрөнгө оруулалтыг яаж босгохыг мэдэхгүй байна. Оюу толгойн 34 хувийг бид эзэмшиж байна. Харин 66 хувийг эзэмшигч компани УИХ-ын тогтоолд нэмж оруулахаар хэлэлцээр хаа хүрэхийг мэдэхгүй. Хэлэлцээрийн явцад нэг тэрбум 450 орчим сая долларын нэмэлт зардал гарна. Энэ зардлыг гаргавал 2023 оны нэгдүгээр улиралд багтааж далд уурхайн бүтээн байгуулалтыг дуусгаж, олборлолт эхлэх тухай хэлэлцсэн. Хэлэлцээр яаж үргэлжлэхийг мэдэхгүй. Гэхдээ цаашид хэлэлцээрийг үргэлжлүүлэхийг эрмэлзэнэ” гэлээ.

Д.Батчулуун