УИХ-ын гишүүн Н.Учрал Монгол Улсын Их Хурлын хүндэт өргөмжлөлөөр шагнууллаа. Тэрбээр өөрийн цахим хуудсандаа “Амьдрал баян юм аа. Өнгөрсөн жилийн энэ өдөр эмнэлэгийн орон дээр ухаангүй байсан миний хувьд өнөөдөр УИХ-ын даргаасаа хүндэт өргөмжлөл хүртэж зогсохдоо итгэж үл ядан хувь заяандаа баярлаж сууна. Төрийн минь сүлд өршөөж түмэн олныхоо итгэл дэмжлэг сүүн цагаан сэтгэл дор эрхэм дотны гэр бүл, ээж аав, эхнэр хүүхдүүдтэйгээ элэг бүтэн шинэ оноо угтаж буйдаа сэтгэл өндөр байна. Хэдий хэсэг хугацаанд ажлаа хийж чадаагүй ч алдсан хугацаагаа нөхөх гэж шаргуу ажилласны үр дүнд Нийтийн мэдээллийн хууль, Хувь хүний мэдээллийг хамгаалах хууль, Цахим гарын үсгийн хууль, Кибер аюулгүй байдлын хууль, Виртуал хөрөнгийн үйлчилгээ үзүүлэгчийн хууль зэрэг хуулийн төслүүдийн ажлын хэсгийг ахлаж батлуулсаныг маань үнэлэн хүндэт өргөмжлөлөөр шагнасныг өндөр хариуцлага гэж хүлээж авч ирэх жил илүү ихийг бүтээх урмаар тэтгэгдлээ” хэмээн талархлаа илэрхийлжээ.

Д.Батчулуун