Сангийн болон холбооны эрх зүйн байдлын тухай хуулийн төслийн хэлэлцүүлэг үргэлжилж байна. УИХ-ын гишүүн Б.Энхбаяр хуулийн төслийг дэмжиж байгаа талаар хэллээ. Тэрээр “Миний хувьд энэ хуулийг дэмжиж байгаа. Манай улс мөнгө угаах, терроризмтой тэмцэх олон улсын байгууллагын шаардлагад энэ байгаа. Өөрөөр хэлбэл төрийн бус байгууллага гэдэг халхавчаар эх үүсвэр тодорхойгүй гаднаас оруулж ирдэг, зорилгодоо нийцсэн үгүй нь тодорхойгүй үйл ажиллагаа явуулдаг асуудал байгаа. Энэ талаар зарим асуудлыг хаалттай байдлаар мэдээлэл сонсвол зүгээр. Манай улс энэ хуулиудаар иргэний нийгмээ нухчин дарах гэж байна. энэ төслийг нураах зорилгоор санхүүжилт авсан хүмүүс ч байна. Энэ хуулийг эсэргүүцэх зорилгоор төсөл бичиж байна. 30 орчим жил иргэний нийгмийг өмчилж үүгээрээ амьдарсан хүмүүс байна. Энэ хүмүүс элчин сайдуудын яамдаар хов зөөж төсөл хүлээж авсангүй гэж ямар зорилготой нь мэдэгдэхгүй гүйгээд байгаа. Төрийн бус байгууллагуудын 70 гаруй хувь нь гадаадаас хөрөнгө оруулалт авдаг нь үнэн. Монгол улсын иргэний нийгмийн байгууллага биш гадаадын улсын Монгол дахь төлөөлөгчийн газрууд болчихсон. Энэ хуулийг хэрэгжүүлснээр өөрсдийн иргэний нийгмийн байгууллагыг төлөвшүүлэх нь үүрэг. Тийм учраас бодлогоор дэмжих ёстой. Буянт үйл хийх гэж байгаа иргэнийг, байгууллага сангуудыг төр дэмжих ёстой болохоос биш татвар авна гээд байж болохгүй. Жишээлбэл Ч.Ганжавхлан гээд залууг дэмждэггүй юмаа гэхэд садаа болохгүй байх ёстой” гэлээ.

Т.Мөнхжаргал