Сангийн эрх зүйн байдлаар тухай хуулийн төслийн хэлэлцэх эсэх талаар УИХ хэлэлцэж байна. Энэ үеэр УИХ-ын гишүүн Ц.Мөнх-Оргил үг хэллээ. Тэрбээр “Сан байгуулах санаа нь байгаа байх. Гэхдээ механизм нь байхгүй байна. Механизм бол татвар шүү дээ. Яах гэж сан байгуулдаг юм, иргэд өөрийнхөө мөнгийг тэр санд хандивладаг. Яагаад гэвэл зөрүүлээд төр тухайн хүнд татварын хөнгөлөлт өгдөг. Сан байгуулчхаад мөнгөө хадгалаад байх ёсгүй. Хуульд зааснаар жилд  5-10 хувийг зарцуулна.

Ихэнх улс орнууд 5-10 хувь байгаа. Ийм ийм ашгийн төлөөх үйл ажиллагаа явуулахгүй, ашгийн төлөө болчихвол сангийн эрхээ, татварын хөнгөлөлтөө алдана, дэлгэрэнгүй тайлан гаргана  шүү гэдгийг зааж өгвөл Сангийн хууль болно. Харин зүгээр л төрийн бус байгууллага нэртэй байсныг сан болж байна шүү гээд татварыг нь хэвээр үлдээвэл энэ төрийн бус байгууллагын хуулийг холбооны сангийн хууль болгосон үр дүн гарахгүй. Нийтэд ашигтай, тустай үйл ажиллагаа явуулах зорилгоор сан байгуулсан бол бол тэр хөрөнгө нь ямар нэг байдлаар татвар ногдох орлогоос хасагдах зэрэг өөр бусад урамшуулал байвал өгөх хэрэгтэй. Тэр талаар энэ хуулинд юу ч алга байна. Гадны улсууд төрийн бус байгууллагуудыг санхүүжүүлж байна гээд байгаа. Үнэндээ Монголчууд бид өөрсдөө  татвараараа тэдгээр байгууллагуудад хандив өгөх бололцоог нь нээж өгөхгүй байгаа болохоор гадаадаас хөрөнгө оруулалт авахаас өөр аргагүй. Үнэхээр төрийн бус байгууллагуудаа цэгцэлье, иргэний нийгмийн хуулийг тодорхой болгоё гэвэл иргэний хуулийн суурь заалтуудаас эхэлмээр байна. Дараа нь татвараа янзалмаар байна. Түүний дараа энэ хууль орж ирвэл утга төгөлдөр үйлчлэнэ. Төрийн байгууллагыг холбоо, сан гээл хоёр хуваачхаж байгаа юм. Гэтэл үүний цаана зохион байгуулалтын маш олон асуудал бий. Үүнийг хялбаршуулсан байдлаар оруулж ирсэн санагдаж байна” гэлээ.

Д.Батчулуун