УИХ-ын хуралдаанаар Монгол Улсын засаг захиргаа, нутаг дэвсгэрийн нэгж түүний удирдлагын тухай хуультай бусад хууль тогтоомжийг нийцүүлэх зорилгоор боловсруулсан хуулийн төслүүдийг хэлэлцэх эсэх асуудлаар хэлэлцэж байна. Энэ үеэр УИХ-ын гишүүн Б.Энхбаяр үг хэллээ. Тэрбээр “Монгол улсын засаг захиргаа, нутаг дэвсгэрийн нэгжийн хууль тогтоомжийн шинэчлэл 2019 оны арваннэгдүгээр сард баталсан бөгөөд 2021 оны тавдугаар сард хүчин төгөлдөр болсон. Монгол улсын шинэ үндсэн хуулийн өөрчлөлтийн дагуу хийгдэж байгаа томоохон шинэчлэлийн нэг  байгаа. Энэ оны нэгдүгээр сараас энэ хууль хэрэгжиж эхэлсэн.  Энэ хуультай зөрчилдөж байгаа хуулиудын техникийн зөрчилтэй хуулиуд орж ирж байна. Бараг 100-аад хуулиуд орж ирж байна. Засаг захиргаа нутаг дэвсгэрийн нэгжийн шинэчлэл бол томоохон өөрчлөлт байгаа. Босоо удирдлагаар бүрэн эрхүүдийг чөлөөлдөг байсан тогтолцоог өөрчлөөд чиг үүргийн тогтолцоо руу оруулж байгаа. Энэ их ач холбогдолтой. Тухайлбал, УИХ, төв засгийн газар, Яамдууд, нийслэлийн засаг дарга, аймгийн засаг дарга, сумын засаг дарга ямар чиг үүрэгтэй байх вэ? Гэдгийг тодорхой болговол их амар. Өөрөөр хэлбэл, дүүргийн засаг даргаас хийх ёстой ажлыг төв засгийн газрын сайд оролцоод байх шаардлагагүй.  Ийм зааг ялгааг бий болгож байгаа нь хүлээх хариуцлагыг мөн бий болгож байгаа. Засаг захиргаа нутаг дэвсгэрийн тухай хууль өмчийнхөө эрхийг тодорхой болгохгүйгээр хэрэгжихгүй. Орон нутгийн чиг үүрэг дээр нийтийн тээвэр, хот тохижилт, хогийн асуудал ордог. яг ийм асуудлыг орон нутгийн засаг захиргаа нийтлэг хариуцдаг. Таван толгой гэдэг компани нийслэлийн өмчийн байх юм уу, орон нутгийн өмч байх юм уу гэдэг нь цэвэр өмчөөсөө хамаардаг” гэлээ.