“Улс орнууд тансаг хэрэглээн дээр өндөр хэмжээний татвар төлөх нь явдал бий. Гэхдээ өнөөдрийн энэ үнийн өсөлт, валютын хомсдол нь өөр эх үүсвэрээс үүдэлтэй. Үүний нэг хэсэг Монгол банктай холбоотой. Өөрөөр хэлбэл, 5,1 их наяд, 10 их наяд төгрөгийн хоёр том хөтөлбөрийн хүрээнд маш их мөнгө зах зээл рүү орж байгаа. Үүнтэй холбоотой барааны үнэ өсөж, нийлүүлэлт хомсдож байна. Нийлүүлэлтийн хомсдол, ковидтой холбоотой ложистикийн хямрал хоёр хавсрахаар үнийн өсөлтийг бий болгож байгаа. Үүнд эдийн засагчид бодлогын хүүг нэмэх арга хэмжээ авдаг.

Бодлогын хүүг нэмнэ гэхээр хүүг бууруулах нь бидний том зорилт байгаа юм. Зах зээл рүү гурван хувийн хүүтэй, зургаан хувийн хүүтэй зээлүүд ороод байгаа. Энэ зээлийн хэмжээг хумих зэргээр зах зээл дэх мөнгөө татаж байж, валютын өсөлтийг зогсоож чаддаг. Энийг хийхэд маш их эрсдэлтэй. Зах зээлд мөнгөгүй болчихвол үнийн шок үүснэ. Тухайлбал, Автомашины татвар өндөр байлаа гээд үнийн өсөлтөд нөлөөлөхгүй. Автомашин маш цөөхөн орж ирж байгаа. Үүнийг шалтгаан хайж болохгүй.

ОХУ, Украины асуудал манай улсын эдийн засагт тодорхой хэмжээгээр асуудал авчирч байгаа. Бид үүнийг илүү сайнаар шийдэх боломж байгаа. Тухайлбал, эхний ээлжид уул уурхайн бүтээгдэхүүний экспортыг сайн хийж чадвал валюттай болно. Валюттай болсноор валютын хямралд байгаа ОХУ-тай илүү таатай нөхцөл байдалд очно. ОХУ-ын дайны асуудал манай улсад тийм ч хэцүү асуудал үүсгэхгүй” гэв.

Д.Батчулуун