Зургаан сар гарч, зуны улирал эхэллээ. Зуныг угтаж найз нөхөд, гэр бүлээрээ үзэх сонирхолтой тоглолтууд таныг хүлээж байна. Ингээд энэ сард болох эвент, тоглолтын хөтөлбөрийн дэлгэрэнгүйг хүргэе.
“Тамгагүй төр” хаалтын тоглолт
Хаана: Улсын драмын эрдмийн театр
Хэзээ: 2022.06-07
Тасалбар: 40.000-180.000 төгрөг
Тайлбар: Монгол улсын Хөдөлмөрийн баатар, Төрийн шагналт, Соёлын гавьяат зүтгэлтэн, Ардын уран зохиолч Б.Лхагвасүрэнгийн зохиол "Тамгагүй төр” жүжиг 1998 онд Улсын драмын эрдмийн театрын тайзнаа тавигдаж, өнөөг хүртэл үзэгч түмний хүртээл болж, талархлыг нь хүлээсээр ирсэн үндэсний сонгодог уран бүтээл билээ. Тус бүтээлийг Улсын драмын эрдмийн театр, Херо энтертайнмент хамтран шинээр тайзны бүтээл болгожээ.
Хөсөгтөн хамтлаг “Жангар” цомгийн тоглолт
Хаана: Улсын дуурь бүжгийн эрдмийн театр
Хэзээ: 2022.06-08 19:00 цагт
Тасалбар: 80.000-120.000 төгрөг
Тайлбар: Ардын урлагийн Хөсөгтөн хамтлаг Франц улсын Buda Music лэйбэлтэй хамтран “Жангар” шинэ цомгоо гаргаж, дөрөвдүгээр сарын турш Европын таван орноор аялан тоглолтоо амжилттай хийсэн билээ. Ингээд шинэ цомгийн тоглолтоо эх орондоо ганцхан удаа тоглох гэж байна.
“Гэм зэм” Постдрамын жүжиг
Хаана: Соёлын төв өргөө
Хэзээ: 2022.06-09,10
Тасалбар: 30.000-100.000 төгрөг
Тайлбар: “Гэгээн муза-2022” наадамд өрсөлдөж буй “Гэм зэм” постдрамын жүжиг энэ зуны тоглолтоо хоёрхон удаа тоглоно.
“Анна Каренина” сонгодог жүжиг
Хаана: Улсын драмын эрдмийн театр
Хэзээ: 2022.06-09,10,12
Тасалбар: 25.000-60.000 төгрөг
Тайлбар: Оросын сонгодог уран зохиолын шалгарсан эталон, гэр бүлийн, цаашлаад сэтгэл зүйн романы ноён оргилуудын нэг болох Лев Толстойн “Анна Каренина” сонгодог жүжиг энэ зуны сүүлийн тоглолтоо зарлалаа.
“Гоолингоо” рок мюзикл
Хаана: Улаанбаатар театр
Хэзээ: 2022.06-10
Тасалбар: 15.000 төгрөг
Тайлбар: Сүхбаатар аймгийн Жаахан шарга театрын бүтээл, Хөгжмийн зохиолч МУСТА Б.Мөнхжаргал, зохиолч С.Баярсайхан, найруулагч МУСТА З.Далай нарын бүтээл рок мюзиклийг хүлээн авч үзнэ үү.
Ука- “Dance with me”
Хаана: Steppe arena
Хэзээ: 2022.06-10,11
Тасалбар: 49.000-249.000 төгрөг
Тайлбар: Энэ зуны хамгийн дуулиантай амьд концертонд ирж, гэр бүл, найз нөхөд хамт олгоороо аз жаргалтайгаар хоёр оройг хамтдаа өнгөрүүлээрэй.
Х.Билэгжаргал “Ламбугайн нулимс” дуурь
Хаана: Улсын дуурь бүжгийн эрдмийн театр
Хэзээ: 2022.06-11,12
Тасалбар: 10.000-40.000 төгрөг
Тайлбар: Их зохиолч Д.Нацагдоржийн "Ламбугайн нулимс" зохиолоос сэдэвлэсэн дуурь нь 19 дүгээр зууны Монголын бодит амьдралыг тайзан дээрээс харуулна.
Симфони найрал хөгжим үүсч хөгжсөний 65 жилийн ойн хүндэтгэлийн концерт
Хаана: Улсын дуурь бүжгийн эрдмийн театр
Хэзээ: 2022.06-16
Тасалбар: 30.000-50.000 төгрөг
Тайлбар: Монгол Улсын филармонийн симфони найрал хөгжим үүсч хөгжсөний 65 жилийн ойд зориулсан хүндэтгэлийн тоглолт.
“Ibiza” хөгжмийн фестивал
Хаана: Гачуурт, Монгол шилтгээн
Хэзээ: 2022.06-17
Тасалбар: 20.000-60.000 төгрөг
Тайлбар: IBIZA Music festival 2022 зуны хамгийн сонирхолтой, өнгөлөг фестивалийг 8 дэх жилдээ зохион байгуулагдах гэж байна.
Энэ зуны Жинхэнэ тэсрэлт болон Шинэ үеийн төлөөлөл болсон Их хотын эрч хүчээр дүүрэн цоглог залуучууддаа зориулан Дэлхийн залуучуудын эрх чөлөөний бэлэг тэмдэг болсон ИБИЗА аралын нэрээр нэрийдсэн Эх дэлхийн соёлтой залуусын төлөө уриатай "IBIZA Music festival 2022" Dance music festival.
Ice Top “Миний нийслэл” шоу тоглолт
Хаана: Төв цэнгэлдэх хүрээлэн
Хэзээ: 2022.06-18
Тасалбар: 22.000 төгрөг
Тайлбар: Тус тоглолт нь нийт 40 уран бүтээлчид оролцож 12 цагийн турш үргэлжлэх тоглолт юм.
Тоглолтын ерөнхий найруулгыг "Skin entertaiment" хариуцан ажиллах ба урьд өмнө засагдаж байгаагүй тайз декораци, дэлгэц, гэрэл, хөгжмийг чанарын өндөр түвшинд аюулгүй орчинд зохион байгуулна.
Ж.Мэнд-Амар “Үйлийн гурван толгой” бүжгэн жүжиг
Хаана: Улсын дуурь бүжгийн эрдмийн театр
Хэзээ: 2022.06-18,19
Тасалбар: 10.000-40.000 төгрөг
Тайлбар: Их зохиолч Д.Нацагдоржийн “Учиртай гурванг толгой” жүжгээс сэдэвлэн бүтээсэн уг жүжгийг балетмейстер Б.Жамъяндагвын дэглэлтээр дөрвөн үзэгдэлт бүжгэнг жүжгийн хэлбэрээр үзэгчдэдээ хүргэх гэж байна.
“Уран хас” сонгодог бүжгэн жүжиг
Хаана: The Corporate hotel and convention centre
Хэзээ: 2022.06-22,23
Тасалбар: 40.000-80.000 төгрөг
Тайлбар: Нэрт хөгжмийн зохиолч Ж.Чулууны “Уран хас” сонгодог бүжгийн жүжгийг орчин үеийн хэв маягт оруулж, орчин үеийн Хасын тухай шинэ цомнолын дагуу дэглэн найруулж контемпорари балет хэлбэрээр хүргэнэ.
“The Night with us-2022”
Хаана: Төв цэнгэлдэх хүрээлэн
Хэзээ: 2022.06-24
Тасалбар: 40.000-300.000 төгрөг
Тайлбар: Энэхүү арга хэмжээ нь 20-30 жилийн түүхтэй хамтлагуудыг нэгтгэх зорилгоор эхлэн та бүхэнд хүрч эхлээд гурав дахь жилдээ үргэлжилж байна.
“Ла Ла Ланд”
Хаана: The Corporate hotel and convention centre
Хэзээ: 2022.06-25,26
Тасалбар: 100.000-150.000 төгрөг
Тайлбар: Оскарын шагналт “Ла Ла Ланд” мюзикл киноноос сэдэвлэн киноны хөгжмийг шинэчлэн найруулж балет, медиа арт, холограм, драмын хосолсон мюзикл балетийн жүжгийг шинээр бүтээн туурвиж байна.
Б.Дамдинсүрэн “Учиртай гурван толгой” дуурь
Хаана: Улсын дуурь бүжгийн эрдмийн театр
Хэзээ: 2022.06-25,26
Тасалбар: 10.000-40.000 төгрөг
Тайлбар: Гурван бүлэг, таван үзэгдэлт Монголын үндэсний анхны түүхэн дуурийг УДБЭТ-ын 59 дэх улиралдаа 2450 дахь удаагаа тоглох гэж байна.
