Засгийн газрын өнөөдрийн хуралдаанаас гарсан шийдвэрийг танилцуулж байна. МХЕГ-ын дарга Б.Баасандорж Эмээлт дэх махны үйлдэвүүдтэй холбоотой асуудлаар дараах мэдээллийг өглөө. 

1. "Эмээлт дээр 32 ААН ажиллаж байгаагаас 17 нь гадны хөрөнгө оруулалттай. Эмээлт дэх махны үйлдвэртэй холбоотой асуудал дээр МХЕГ-ын дотоод хяналт шалгалт орсон. Тухайн хяналт хийсэн нэр бүхий гурван байцаагч дээр хяналт шалгалтын дүнгээр хариуцлага алдсан, магадгүй ашиг сонирхлын зөрчилтэй байж болзошгүй гэж үзсэн. Тиймээс хуульд заасны дагуу буюу ажлаас халах арга хэмжээ авна.
2. Шадар сайд С.Амарсайхан өнгрөсөн амралтын өдрүүдэд Эмээлт дэх махны үйлдвэрүүд болон мах худалдаачидтай уулзаж, ажиллаа. Газар дээр нь ажиллахад 150-200 бог мал байсан төдийгүй, эрүүл ахуйн шаардлага хангаагүй байсан. Үүний дагуу ААН-үүдийн үйл ажиллагааг цуцлах жагсаалтад Эмээлт захын мах махан бүтээгдэхүүний үйл ажиллагаа явуулах дүгнэлтийг хүчингүй болгоно.
3. Нянгын асуудлыг МХЕГ-ын байцаагч тогтоодоггүй. Холбогдох лаборторийн дүгнэлтийг авч зөвшөөрөгдөх хэмжээнд тогтоодог. Боловсруулсан болон боловсруулаагүй махнаас нянгийн шинжилгээ авсан. Нянгийн асуудлаар боловсруулсан махнаас авсан сорьцоос нян илэрч байгаа нь өөрөө ноцтой асуудал. Шинжилгээгээр зөвшөөрөгдсөн хэмжээнээ хэтэрсэн нь тогтоогдвол хуулийн дагуу хариуцлагын арга хэмжээ авна" гэв.

Т.Мөнхжаргал