Хөдөлмөрийн тухай хуулийн хэрэгжилт, улс төр, нийгмийн нөхцөл байдлын талаар "Эрдэнэс таван толгой" ХК-ийн “Эв санааны нэгдэл” үйлдвэрчний эвлэлээс мэдээлэл хийлээ.

Тэдний зүгээс "Урт цагаар жижүүрлэж ажилладаг эмч, сувилагч, манаач,  цагдаа, харуул,  жижүүр буюу уртаар ажилладаг ажилчдын нийгмийн асуудлыг шийдэх хуулийн хамгийн гол заалтууд хэрэгжихгүй байна. Энэ хууль хэрэгжихгүй байгаагаас шалтгаалж дээрх хүмүүсийн эрх ашиг хөндөгдөж байна. Эв санааны нэгдэл нь Монголын үйлдвэрчний эвлэлтэй хамруулан үйл ажиллагаа явуулах эрх зүйн статустай хоёр том байгууллагын нэг.

Хөдөлмөрийн тухай хуульд зааснаар ажлын цагийн дээд хязгаар гэж бий. Түүнчлэн “долоо хоногт 40-өөс илүүгүй цаг ажилласан байна, ердийн ажлын өдөр найман цагаас илүүгүй ажилласан байна, долоо хоногт ажиллах илүү цаг нь 56 цагаас илүүгүй, өдөрт ажиллах илүү цаг нь дөрвөн цагаас илүүгүй байна” хэмээн заасан. Үүнээс болж уул уурхайн салбарт энэ хугацаанд олон ажилчид хохирч байна. Тэдний удирдлагуудад хандаж хэлэхэд ажилчид та бүгдийн боол, хамжлага биш. Энэ бол хөдөлмөрөө шударгаар үнэлүүлж, та бүхэнд ашиг олж өгч байгаа хамтрагчид чинь. Хэн ч байлаа гэсэн ажлын цагаараа ажиллах ёстой, үгүй бол бие ядарч сульдана. Энэ бол дан ганц уул уурхайн салбарын асуудал биш. “Эрдэнэс Тавантолгой” ХК, төрийн өмчит компаниуд энэ хуулийг хамгийн түрүүнд хэрэгжүүлэх ёстой. Хэрэгжүүлэхгүй байна гэдэг хууль зөрчсөн гэсэн үг. Хууль зөрчсөн хүнд хуулийн хариуцлага тооцох ёстой. Ингэхдээ хууль мэдсэн, эс мэдсэнээс хамаардаггүй, санаатай юу санамсаргүй зөрчсөн үү гэдгээр ялгардаг. Үүнийг шүүхийн байгууллага шийдвэрлэх байх" гэв. 

М.Сүхэхэй