Энэ сарын 12-ны өдөр Ланд-200 маркийн автомашин эсрэг урсгалын долоон машиныг мөргөж, зам тээврийн ноцтой осол гаргасан. Энэ талаар мөрдөн шалгах ажиллагаа үргэлжилж байна. Хэргийн талаар Тээврийн цагдаагийн албаны ахлах зохицуулагч Г.Отгонтамир мэдээлэл өглөө.

Тэрбээр "Ланд-200 маркийн автомашины жолооч эсрэг урсгал руу орж долоон суудлын автомашин мөргөж байгаа, мөн гарцаар гарч байсан 12 насны хоёр хүүхдийг мөргөж гэмтээсэн. Хүүхдүүд эмнэлгийн хяналтад байгаа, шүүх эмнэлгийн дүгнэлт хараахан гараагүй. Урьдчилсан байдлаар, тухайн осол гаргасан Ланд-200 маркийн автомашины жолооч нь жолооны үнэмлэх аваагүй буюу жолооч биш нь тогтоогдсон. Мөн архи согтууруулах ундааны төрлийн зүйл хэрэглээгүй, сэтгэцэд нөлөөлөх эм бэлдмэл, мансууруулах бодис хэрэглээгүй нь батлагдсан" гэв.

Т.Мөнхжаргал