"Хуулийн мэдээллийн цаг"-аар Хууль зүйн туслалцааны тухай хуулийн талаар мэдээлэл хийж байна. Энэ үеэр УИХ-ын даргын Хууль зүйн бодлогын зөвлөх О.Номинчимэг уг хуулийн талаар мэдээлэл өглөө.
Тэрбээр “Хууль зүйн туслалцааны тухай хууль өнгөрсөн долоодугаар сарын 1-нд батлагдсан. Аравдугаар сарын 1-нээс хэрэгжээд явж байна. Хууль зүйн туслалцааг төрөөс үнэ төлбөргүй болгох эрх зүйн орчныг анхаарч, сайжруулахаар анхаарч ирсэн. 2013 онд төлбөрийн туслалцаа үзүүлэх хуулийг баталж, 2014 онд Хууль зүйн туслалцааны хүрээлэн байгуулагдсан. Ингэснээр төлбөрийн чадамжгүй эрүүгийн хэргийн яллагдагч нарыг өмгөөллөөр хангаж ирсэн. Үүнийг илүү хүртээмжтэй болгох зүйлсийг судалж ирсэн. Судалгаагаар үзэхэд хууль зүйн туслалцааны чанарыг асуудал яригддаг. Шинэчилсэн найруулгын гол үзэл санаа бол төрөөс үзүүлдэг үнэ төлбөргүй хууль зүйн туслалцааг хүртээмжтэй болгох юм. Баталсан хуульд хүртээмжийг сайжруулах гурван зохицуулалт орсон.
- Хууль зүйн туслалцааны төрлийг нэмэгдүүлсэн
- Хамрагдах хүрээг нэмэгдүүлсэн
- Улсын өмгөөлөгчөөр дамжуулж туслалцааг авдаг байсан бол хувийн өмгөөллийн эрхтэй этгээдүүдээр үйлчлүүлэх боломжийг нээсэн” гэв.
Д.Батчулуун
