Үндсэн хуулийн Шинэчилсэн найруулгын төслийн талаар мэдээлэл өгч байна. Энэ үеэр Ерөнхийлөгч асан Н.Энхбаяр мэдээлэл өглөө. 

Тэрбээр “ Үндсэн хууль шинжлэх асуудлыг бид нар л ярьсан юм биш. 20 гаруй нам Үндсэн хуулийн шинэчлэл хийе гэж тунхаг бичигт гарын үсэг зурсан. Нэмээд саяхан болсон зөвлөлдөх зөвлөл байгуулах тухай асуудлын ард түмний том уулзалтад Ерөнхий сайд илтгэл тавьж гурван гарц байна гэдгийг хэлсэн. Нэг нь юу ч хийлгүй ингээд л байж байя. Хоёрдугаарт, тодорхой хэмжээний нэмэлт өөрчлөлт оруулая. Гуравдугаарт, цоо шинэ Үндсэн хууль батлая. Энэ гурван арга замын алийг ч сонгоход би бэлэн байна гэж хэлсэн.

Ерөнхий сайдын илтгэлийн гол агуулга "цоо шинэ Үндсэн хууль хэрэгтэй юм байна" гэдэг дүгнэлт хийх хэмжээний утга агуулгатай байсан. Тийм учраас тэнд байсан хүмүүсийн 70 гаруй хувь нь хоёр танхимтай парламентаас эхлэн цоо шинэ Үндсэн хууль хэрэгтэй гэсэн саналыг илэрхийлсэн.

МАН МАХН хоёр нэгдэж байхад ч энэ асуудлыг ярьж байсан. Сайн Үндсэн хууль баталж ард түмнээ баярлуулах юмсан, байгалийн баялагыг ард түмэндээ өгөх юмсан. Хүрэлсүх ерөнхийлөгч хүртэл сонгуульд Баялагтаа эзэн Монгол уриа лоозонтой орж байсан. Хоёр танхимтай парламент гэдэг нь төр засгийн тогтолцоог үндсээр нь өөрчлөнө. Ингээд Хоёр танхимтай парламент нь намууд нь нэг танхимдаа ороод, нөгөө танхимд нь тэрийг хянаж байдаг, иргэд нам бус зарчмаар орог гэсэн зарчимтай. Энэ зүйл зөвхөн бид нарын яриад байгаа зүйл биш. Иргэний зориг ногоон нам, шинэ нам, үндэсний ардчилсан нам бусад намууд тус тусдаа шинэ Үндсэн хуулийн төслийг арав гаруй жил боловсруулсан. Ерөнхий сайд залуу хүн цаг үеээ мэдрээд ахиад шинэ цаг үе эхлүүлэх гэж байна. Тийм учраас энэ хүмүүсийг сольж өөр хүмүүс гаргаж ирж дэмий цаг алдаж суухын оронд ерөнхийлөгч У.Хүрэлсүх, ерөнхий сайд Л.Оюун-Эрдэнэ, хурлын дарга Г.Занданшатар нар манлайлан их хурлаар хэлэлцэн ард түмэнд өгөх ёстой. Ингээд ард түмэн хэлэлцсэний дараа болноо гэвэл батлана. Зөвхөн ард түмэн хэлэлцэж энэ асуудлыг батлана гэсэн байдлаар хандаж байгаа" гэв. 

Б.Мичидмаа