Амралтын өдрүүд тохиож байна. Эдгээр өдрүүдэд та гэр бүл, хайртай хүмүүстэйгээ гадуур гарч, үзвэр үйлчилгээ үзэж сонирхохыг хүсч байвал энэхүү нийтлэлд анхаарлаа хандуулна уу.
1. Л.Толстой “Анна Каренина” сонгодог жүжиг
Оросын алдарт зохиолч Л.Н.Толстой "Анна Каренина" романыг 1873-1877 онд бичиж, 1878 онд бүрэн эхээр нь анх хэвлүүлсэн бөгөөд утга зохиол шүүмжлэгчид энэхүү зохиолыг бүх цаг үеийн хамгийн шилдэг зохиол хэмээн үнэлсэн билээ. "Анна Каренина" зохиолыг дэлхийн олон оронд орчуулж, сая сая уншигчдын хүртээл болсон төдийгүй жүжиг, кино болон урлагийн бусад хэлбэрээр олон дахин бүтээгдэж нэр алдрын оргилд хүрсэн сонгодог бүтээл юм.
Хаана: Улсын Драмын Эрдмийн Театр
Хэзээ: 2024.05.01-19
Уг үзвэр энэ сарын 19-нд хаагдах тул танд цаг бий. Тасалбарын үнэ 30-120 мянган төгрөг. Дэлгэрэнгүйг энд дарж үзээрэй.
2. "Little Mozart" Хандивын тоглолт
Монголын анхны олон улсын контемпорари Лхам галерей болон Монгол Улсын Консерватортой хамтран cонгодог хөгжмийн мэргэжлийн сургуульд суралцдаг 8-аас 13 насны зургаан бяцхан хөгжимчдөд зориулсан "Бяцхан Моцарт" хандивын тоглолтонд та бүхнийг хүрэлцэн ирэхийг урьж байна.
Уг хандивын тоглолтын орлого мэргэжилдээ бусдыгаа манлайлсан хөгжимчин сурагчдыг цаашид урам зориг дүүрнээр мэргэжлээ үргэлжлүүлэн суралцахад дэмжих зорилготой билээ. Нарийн мэргэжлийн онцлогоос шалтгаалж мэргэжлээ үргэжлүүлэн дүүргэх боломжгүй тохиолдол сурагчид дунд цөөнгүй тохиолддог бөгөөд ямар ч нөхцөлд хичээл зүтгэл ямагт үнэлэгддэг болохыг батлан уг тоглолтыг зохион байгуулж байна. Дэлгэнгүйг энд дарж үзээрэй.
Хаана: Lkham Gallery
Хэзээ: 2024.05.18 17:00
Тасалбарын үнэ: 60 мянга
3. П.И.ЧАЙКОВСКИЙ “ХУНТ НУУР” БАЛЕТ
"Хунт нуур" балет нь сонгодог урлагийг үнэлэн үздэг бүхий л улс орны олон арван тайзнаа хэдэн мянган удаа тоглогдож, орон бүрийн үзэгчдийн нандин, эрхэмсгийн дээдийн дээд бүтээл болсон юм. Үзэсгэлэнт гүнж Одетта болон ханхүү Зигфрид хоёрын хайр сэтгэлийн тухай гарах энэхүү бүжгэн жүжигт хорон санаат Ротбардын хун болгон хувиргасан гүнж Одеттаг гунигт бүжгээ хийж байхыг ан хийж явсан ханхүү Зигфрид хараад дурладаг. Тэр бүсгүй зөвхөн шөнийн цагаар л хүн төрхөндөө хувирдаг байж.Ингээд дурласан ханхүү хорон санаатантай тулалдаж хайртай бүсгүйгээ сулладаг. Дэлгэрэнгүйг энд дарж үзээрэй.
Хаана: Улсын Дуурь Бүжгийн Эрдмийн Театр
Хэзээ: 2024.05.18 17:00
Тасалбарын үнэ: 40-120 мянга
4. "ЧӨЛҮГЭН" Дөрвөл
Хаана: Улсын филармони
Хэзээ: 2024.05.18 18:00
Уран бүтээлч: Морин хуурын чуулга
Дэлгэрэнгүйг энд дарж үзээрэй.
5. "Хоймор Хийморь" тоглолт
Дуучин МУСТА Я.Гэрэлчулууны дуулсан хит дуунууд дуулагдах ба түүний зохиосон дуунуудыг энэ цагийн шилдэг уран бүтээлчид эгшиглүүлэнэ.
Хаана: Ulaanbaatar Palace
Хэзээ: 2024.05.18 19:00
Дэлгэрэнгүйг энд дарж үзээрэй.
Тоглолтод оролцох уран бүтээлчид: МУГЖ У.Далантай, МУГЖ С.Эрдэнэцэцэг, МУГЖ Ч.Бат-Эрдэнэ, МУСТА Т.Дэлгэрмөрөн, МУСТА О.Баянмөнх, МУСТА П.Идэржавхлан, МУСТА Э.Чулуунчимэг, МУСТА Н.Ундрал, МУСТА Д.Найдандорж, МУСТА Э.Чинбаяр, МУСТА Г.Тогтохоо
Л.Сайнаа
