Дэлхийн хөлбөмбөгийн хамгийн агуу өрсөлдөөнүүдийн нэг болох Кристиано Роналду болон Лионел Месси нарын тулаан төгсгөлдөө ойртож буй ч фенүүдийнх нь хамгийн их хүлээж буй асуулт бол тэд 2026 оны ДАШТ тоглох уу?

Одоогоор хариулт “тийм” байх магадлал өндөр байна. Португалын супер од Роналду шигшээ багтаа тогтмол дуудагдсаар байгаа бөгөөд биеийн форм, тоглолтын түвшин нь ч өндөр хэвээр байгаа юм. Хэрэв тэр 2026 оны ДАШТ-д оролцвол түүхэндээ зургаан дэлхийн аваргад тоглосон анхны хөлбөмбөгчдийн нэг болох юм. Өдгөө 41 настай тэрбээр зодог тайлах талаар тодорхой мэдээлэл өгөөгүй байгаа.

Харин Аргентины домогт тоглогч Месси албан ёсоор эцсийн шийдвэрээ хараахан мэдэгдээгүй байгаа ч түүнийг ДАШТ-д бэлдэж байгаа талаар олон улсын хэвлэлүүд онолцсоор байна.

2022 онд дэлхийн аварга болсон тэрбээр карьераа оргил амжилтаар чимсэн ч фенүүд нь түүнийг дахин нэг удаа дэлхийн тайзан дээр харахыг хүсэж байгаа гарцаагүй. "Inter Miami" клубт тоглож буй Месси бэлтгэлээ эрчимжүүлсэн талаар багийн ойрын эх сурвалжууд ярьжээ.

Хэрэв тэд хоёулаа 2026 оны ДАШТ-д оролцвол энэ нь зөвхөн спортын гоц үйл явдал биш, харин бүхэл бүтэн үеийн төгсгөлийн бэлгэдэл, үдэлтийн шоу болох юм. Сүүлийн 20 жилийн турш дэлхийн хөлбөмбөгийг ноёрхсон хоёр домог ийнхүү дахин нэг удаа нэг дэлхийн аваргын тайзан дээр бүжиглэх эсэх нь одоогоор баттай биш ч магадлал 60 хувьтай байна.

Л.Баяр