Ийм мессеж МАН-ын байрнаас эхлээд шаргал ордныг хамраад Улаанбаатараас хальж нэлээд газар авчээ. Энэ мессежийг хэн гаргасан нь тодорхой. Саяхан бас БНСУ эмэгтэй Ерөнхийлөгчтэй болсон, тиймээс Монголд ч боломжтой гэсэн мессеж тарж байсны эршүүд хувилбар юм уу даа.
  МАН-ын нэр дэвшихийг горилогч бүр өөрсдийн боломжийг нэмэгдүүлэх гэж хичээж байна. Дархан аварга Б.Бат-Эрдэнийн нэр нам дотроо рейтингээрээ өнгөлж явааг намын гишүүд нь ч, олон түмний судалгаа ч харуулав. Тиймээс ОХУ-ын Ерөнхийлөгч В.Путины сурталчилгааны олон хувилбарыг хуулбарлан ашиглахаар пи-арчид нь тохирчээ. Тэд дархан аваргыг бөх В.Путины спортын шилдэг зүтгэлтний дүрд хувирдаг гарамгай чанарыг хуулбарлахаар шийджээ. Удахгүй дархан аваргын ууланд цээж нүцгэн буу үүрч ан хийсэн, Сэлэнгэ мөрөнд загасчилж байгаа, мотоцикл унаж Улаанбаатарын гудамжаар тоос татуулан давхиж яваа, моторт завь хөлөглөн Хөвсгөл далай дээгүүр дүүлсэн, Бурхан Халдун ууланд авирсан, шүхэрээр говьд буусан олон гайхамшигтай зурагуудыг харж болох юм. Мэдээж түүнд үндэсний болоод жудо, самбо, сумогоор барилдаж байх үеийн бахархам агшинтай эр зоригийг илтгэсэн олон зурагууд бий.  Удахгүй ард түмэн В.Путины Монгол хувилбарыг харж магадгүй нь.