МАН-аас 2013 оны Ерөнхийлөгчийн сонгуульд даян аварга, УИХ-ын гишүүн Б.Бат-Эрдэнэ нэр дэвшихээр болсон нь олон нийтийн сонирхлыг ихэд татаж байна. Монгол улс бөх Ерөнхийлөгчтэй болох уу? гэж олон хүн асууж байгаа. Тэгвэл энэ үйл явдалтай холбоотой нэгэн сонирхолтой мэдээлэл байна.

   Ерөнхийлөгч Ц.Элбэгдоржийн гэргий, тэргүүн хатагтайг Х.Болормаа гэдэг. Тэгвэл Б.Бат-Эрдэнэ гишүүний гэргий ч мөн Б.Болормаа гэдэг нэртэй юм. Овог нь л өөр болохоос нэр ижил хатагтай нар удахгүй нөхрүүдийнхээ захыг мушгаад сууж байх нь. Өөөрөөр хэлбэл ургаа дугаар сард болох сонгуульд хоёр гол өрсөлдөгчөөр нэрлээд байгаа АН, МАН-ын нэр дэвшигчдийн хэн нь ч ялсан бай Монгол улс Болормаа гэдэг нэртэй тэргүүн хатагтайтай байх нь. Аваргын гэргий Б.Болормаа багш мэргэжилтэй, волейболын спортын мастер цолтой юм. Тэрбээр өчигдөр Б.Бат-Эрдэнэ гишүүнийг сонгуульд нэр дэвшихээр болоход цэцэг барин угтсан гэнэ.

   Гэхдээ МАХН-аас хэн нэр дэвших вэ гэдэг нэг вариант бас бий.