БНСУ-руу очиж ажиллах хүсэлтэй монгол иргэдийн цуваа тасардаггүй билээ. Бүр бүртгэлд хамрагдахын тулд хонон өнжиж дугаарлаж байдаг. Үүний дараа хэлний мэдлэгтэй болох гэж Солонгос хэлний сургалтын төвүүдэд цөм орлого оруулна. За тэгээд эрүүл мэндийн шинжилгээ энэ тэр гэж багагүй мөнгө үрсний эцэст бүртгэлд хамрагдсан иргэдийн 10 хүрэхгүй хувь нь л гэрээнд хамрагдах эрх авдаг.  Тэгвэл энэ жилээс гадны улсыг зорих, тэр дундаа Солонгосруу гэрээгээр явах хүмүүс ховордсон бололтой. Учир нь БНСУ-д ажиллах иргэдийн бүртгэл одоо үргэлжилж байгаа энэ үед ажиллах сонирхолтой хүмүүсийн тоо хүрэхгүй байгаа гэдгийг албаны эх сурвалж онцоллоо.  Тэгэхээр өнөө жилээс Солонгос явах гэж хуйлардаг их давалгаа зогсож байх шиг байна. Магадгүй энэ нь Монголын залуус урагшаа нэг алхаж байгааг илтгэх биз ээ.