БАРИМТ 1
Тэрбээр 1993 оны тавдугаар сарын 22-нд мэндэлжээ.
БАРИМТ 2
Биеийн өндөр 178 см.
БАРИМТ 3
Биеийн жин 110 кг.
БАРИМТ 4
Сүхбаатар аймгийн Онгон сумын харьяат.
БАРИМТ 5
"Жавхлант" дэвжээ, "Сүлд" спорт хороо, ШШГ-413 ангийн бөх.
БАРИМТ 6
2010 онд 17 насандаа Сумын заан болж байв.
БАРИМТ 7
2012 онд 19 насандаа Аймгийн харцага цолонд хүрсэн.
БАРИМТ 8
2013 онд Аймгийн заан, 2014 онд Аймгийн арслан цолыг хүртжээ.
БАРИМТ 9
2016 онд 10 жилийн өмнө Аймгийн арслан цолоо баталж байлаа.
БАРИМТ 10
Тэрбээр Улсын арслан Э.Оюунболдын сайн найз.
БАРИМТ 11
Улсын баяр наадмын өсвөрийн бөхийн барилдаанд түрүүлж байсан. Улсын шонхор.
БАРИМТ 12
Тэрбээр сумын заануудын барилдаанд 2012 оны дөрөвдүгээр сард ганцхан удаа зодоглож хоёр давжээ. Уг барилдаан нь "Эрийн хийморь" сумын цолтой бөхчүүдийн барилдаан байв.
БАРИМТ 13
Тэрбээр бөхийн өргөөний аймаг, цэргийн цолтны барилдаанд гурван удаа тав давж байлаа.
БАРИМТ 14
Эдгээр нь 2015 онд болсон Ховд аймгийн хурц арслан Л.Найдангийн нэрэмжит Аймаг цэргийн цолтой бөхийн барилдаан, 2017 онд болсон Архангай аймгаас төрөн гарсан аймгийн цолтой бөхчүүдэд хүндэтгэл үзүүлэх барилдаан, 2020 онд болсон Монгол улсын начин, доктор С.Нямжав, С.Даваасамбуу нарын нэрэмжит аймгийн цолтой бөхчүүдийн барилдаан юм.
БАРИМТ 15
Тэр мөн бөхийн өргөөний аймаг, цэрэгт нэг удаа долоо давсан нь 2016 оны Хэнтий аймгаас төрөн гарсан Аваргуудын нэрэмжит Аймаг цэргийн цолтой бөхийн барилдаан юм. Тэрбээр наймын даваанд одоогийн Улсын аварга О.Хангайд Аймгийн арслан байхад нь унасан байна.
БАРИМТ 16
Түүнчлэн 2022 онд болсон Завхан аймгийн Цагаанхайрхан сумын харьяат, цэргийн арслан Доржбалын Баттогтохын нэрэмжит барилдаанд зургаа давж байлаа.
БАРИМТ 17
Тэрбээр бөхийн өргөөний улс, аймагт ганцхан удаа тав давсан. Энэ нь түүний хамгийн том амжилт байв. Уг барилдаан нь 2016 оны Монгол Улсад Ардчилсан хувьсгал үүсч хөгжсөний 27 жилийн ойд зориулсан хүчит бөхийн барилдаан юм.
БАРИМТ 18
Бөхийн спортод 20 орчим жил үнэнч байсан тэрбээр өнөө жилийн наадмаар Улсын начин боллоо.
БАРИМТ 19
Улсын начин болохдоо тэр нэгийн даваанд Сумын заан Г.Түвшинтөрийг, хоёрын даваанд Аймгийн начин Л.Отгонбаярыг, гурвын даваанд Улсын начин Б.Батжаргалыг, дөрвийн даваанд Аймгийн хурц арслан Э.Дашдэмбэрэлийг, тавын даваанд Улсын аварга Э.Бүрэнтөгсийг тус тус хаяжээ. Улмаар Улсын арслан Э.Оюунболдод унасан юм.
БАРИМТ 20
Тэрбээр улсын наадамд өмнө нь гурван удаа хоёр давж байсан.
БАРИМТ 21
Б.Номиндалай нь Сүхбаатар аймгаас мэндэлсэн 19 дэх улсын цолтон юм.
БАРИМТ 22
Мөн Онгон сумаасаа төрөн гарч байгаа гурав дахь улсын цолтон. Хэрэв Н.Өсөхбаяраас допинг илрээгүй бол тэр дөрөв дэх нь болох байв. Түүнээс өмнө нь Улсын харцага Дахын Одсүрэн, Шарын Мөнгөнбаатар нар улсын цол хүртсэн.
БАРИМТ 23
Тэрбээр Онгон сумынхаа анхны, аймгийнхаа 12 дахь Улсын начин.
БАРИМТ 24
Тэр бол Номиндалай нэртэй цорын ганц бөх билээ.
Сэтгэгдэл (5)