Байгаль орчин ногоон хөгжлийн яам Шудрага өрсөлдөөн хэрэглэгчийн төлөөх газартай хамтран мод, модон материалын захаар хяналт шалгалт хийсэн байна. Шалтгалтын явцад хэд хэдэн зөрчил илэрснийг ШӨХТГ-ын дарга О.Магнай танилцууллаа. БОНХЯ, ШӨХТГ-аас гарсан хамтарсан ажлын хэсэг Улаанбаатарт үйл ажиллагаа явуулдаг есөн захд шалгалт хийжээ. Дээрх есөн захаас дүрэм журмын хүрээнд үйл ажиллагаагаа явуулж буй зах нэг, ямар ч зөвшөөрөлгүй зах нэг, байгаль орчны дүгнэлтгүй ажилласан нэг зах байжээ. Мөн бүх зах гарал үүслийн бичиггүйгээр мод зарж байсан нийтлэг зөрчил илэрсэн байна.

 Мөн ихэнхи зах банзны стандарт хэм, хэмжээг алдагдуулж бэлтгэж байжээ. Тухайлбал бидний нэрлэдэг хоёр, гурав, тавын банз бүгд тогтсон стандарттай. Гэтэл стандарт хэмжээг мөрдөж банз хийж буй зах байгаагүй байна. Үүнтэй холбоотойгоор дээрх захуудад зөрчлөө арилгах долоо хоногийн хугацаа өгчээ. Шалгалтаар буруу газарт  зөвшөөрөлгүй худалдаа хийж байсан “Гурвалжин 44”, “Гялгар” гэх захыг хааж үйл ажиллагааг нь зогсоосон байна. ШӨХТГ-аас ойрын хугацаанд мод, модон бүтээгдэхүүний захын удирдлагуудтай уулзаж, арга хэмжээ авна гэж О.Магнай дарга хэллээ.

    Мөн Шинэчлэлийн засгийн газраас түлээ, нүүрсний шуудайнд стандарт тогтоосон. Гэтэл модны захууд дээрх стандартыг огт мөрдөхгүй байгаа нь шалгалтын явцад илэрчээ. Харин одооноос эхлэн дээрх стандарт, дүрмүүдийг мөрдүүлэхээр албаныхан ажиллана гэлээ.

Долоо хоногийн дараа шаардлагыг хэрэгжүүлээгүй захууд байвал ШӨХТГ-т мэдээлж болох аж. Өнгөрсөн хугацаанд стандарт дүрмийг зөрчсөнөөс болу иргэд их хэмжээний мөнгөөрөө хохирсон судалгааг БОНХЯ-аас гаргасан байна.

    Тухайлбал 125 000 метр куб палкийг стандартын бус хэмжээгээр зарахад нийт хэрэглэгчид 8.2 тэрбум төгрөгийн алдагдалд орсон байна. Мөн Торны хэмжээтэй жижиг шуудайтай түлээг 1500 төгрөгөөр зарж байгаа нь стандартыг ноцтойгоор зөрчиж байгаа хэрэг аж. Энэ жижиг шуудайтай мод нь 2.5 кг жинтэй. Гэтэл уг жижиг шуудайтай түлээг долоо нийлүүлсэнтэй тэмцэх хэмжээтэй модыг 3000 төгрөгөөр зарна гэж стандартад заасан байдаг аж.

    Энэ мэтээр хэрэглэгчид хохирч байгааг цаашид зогсоож уут, савны хэмжээний стандартыг мөрдүүлэх аж.

Манай улсын нийт нутаг дэвсгэрийн 7 хувийг ой мод эзэлдэг. Хулгайн модтой олон жил тэмцэлгүй явсаар бизнесийн сүлжээ болтол өргөтгөсөн байна. Тэгэхээр үүнтэй хатуу тэмцэж дотоодын модоо хамгаалах ёстой гэж албаныхан хэллээ. Манай улсын хувьд ойгоо цэвэрлэх журмаар хэрэгцээний модоо хангах бүрэн боломж байгаа аж. Цаашид хэрэгцээний модоо татах ажилд ч БОНХЯ-аас дэмжлэг үзүүлэх юм байна. Тиймээс ногоон модоо гэмтээлгүй, байгалиа хайрлаж дотоодоосоо хэрэгцээний модоо аваад бусад модоо гадны улс орнуудаас авах ажил дээр төрөөс анхаарч ажиллаж байгаа юм байна. Ер нь цаашид хууль бус мод бэлтгэлийг хөхиүлэн дэмждэг болон мод худалдаалах сүлжээ үүсгэсэн газруудтай  тэмцэж ажиллана гэж БОНХЯ-аас мэдэгдлээ.