Иран улс 2013 онд Кавошгар гэдэг пуужингаар амьд сармагчинг 120 км өндөрт гаргаж, эх дэлхийд эсэн мэнд газардуулсан гэнэ. 2011 онд Иран улс нэгэн сармагчинг сансарт хөөргөх оролдлого хийсэн боловч бүтэлгүйдсэн юм. Энэхүү туршилтын ачаар Иран улс сансарт хүн хөөргөхөд нэг алхам ойртсон гэж хэлж болно.

Тусгай био капсулд суулгасан сармагчныг Пишгам буюу Пионер гэдэг нэртэй сансрын аппаратанд суулган хөөргөжээ. Иран улс 2009 онд Омид буюу Итгэл гэдэг нэртэй анхны хиймэл дагуулаа хөөргөсөн юм. Дараа нь, 2010 оны 2 сард амьд амьтан суулгасан био капсулыг хөөргөх гэсэн оролдлого хийжээ. 2011 оны 6 ард Кавошгар гэдэг Ираны сансрын пуужин 15,3 кг жинтэй Расад буюу Ажиглалт гэдэг нэртэй хиймэл дагуулыг сансарын тойрог замд гаргасан юм. Расад хиймэл дагуулын зорилго бол Дэлхийн газрын зургийг авч Дэлхийд дамжуулах явдал байжээ.

1953 онд байгуулагдсан Сансрыг Энхийн Ашиг Сонирхлын Үндсэн дээр судлах НҮБ-ын 24 гишүүн улс бүхий байгууллагад Иран улс нэгдэн орсон ажээ. Иран улсын Сансрын төслийн захирлын хэлснээр бол тус улс ойрын 5-8 жилийн хугацаанд сансарт хүн нисгэх ажээ.