-
2016 оны 8 сарын 02
2016 оны 7 сарын 25-аас 8-р сарын 1-ний хооронд ӨМӨЗО-ны Хөх хотод болсон 12 хүртэлх насны өсвөрийн хөлбөмбөгийн ОУ-ын тэмцээнд #Дэрэн клубын тоглогчид амжилттай оролцож, дэд аваргаар шалгарлаа.
Залуу Дэрэнчүүд маань өнөөдөр сүүлчийн тоглолтоо хийж, өрсөлдөгчөө 10:0 харьцаатай илт давуу буулган авсан юм. Ингээд гоолын зөрүү +16 болсон хэдий ч бидэнтэй ойрхон өрсөлдөж байсан Сиян хотын баг манай дараа тоглохдоо 17:0ээр хожил байгуулж, ердөө ганцхан гоолын зөрүүгээр аваргын болзол хангалаа.
Хэдийгээр нэг ч хожигдолгүй, 12 тоглохдоо 11 хожиж, тэмцээний турш 93 гоол оруулж, 4-ийг алдсан манай хүүхдүүд яах аргагүй энэ удаагийн тэмцээний шилдгүүд нь байж чадсан юм. Тоглогчдын ур чадвар, хоорондын ойлголцол, тоглолтын арга барил нь өрсөлдөгч Хятадуудыг дуу алдуулж байсныг зохион байгуулагчид нь онцлон хэлж байлаа.
-
2016 оны 8 сарын 02
2014 оны “Дэлхийн мисс”-үүд Монголд хүрэлцэн ирж, Хөвсгөл далайн эрэг дээр “Кhuvsgul beach party”-д оролцох болжээ. Хөвсгөл далайн эрэг дээр “Ancient ocean resort” жуулчны баазад энэ сарын 30-наас 8 дугаар сарын 3-нд Монгол орны үзэсгэлэнт байгаль, өв соёл, ёс заншлыг дэлхий дахинд сурталчлах, аялал жуулчлалыг хөгжүүлэх, жуулчдыг татах зорилготой нэгэн онцгой арга хэмжээ болох гэж байна. ”Юнайтад Монголия”, ”Хаж гүрэм”, ”I Nomadic” компани хамтран зохион байгуулж байгаа уг шоунд “Дэлхийн мисс 2014”-ийн шилдэг 10-т багтсан Чили, Словени, Нидерланд, Лативын миссүүд хүрэлцэн ирж оролцох юм. Мөн таван өдөр 5 өөр өнгө аястай байх уг шоунд ”Алтан ураг”, ”Нисванис”, ”Rattabuzz”, ”Баярцэнгэл”, ”Lemons”, ”Colors”, ”Монголын жазз оркестр”, Циркийн үзүүлбэр, халуун галаар наадах үзүүлбэр, шилдэг DJ нар оролцох аж.
Үүнээс гадна мастер тогооч нарын олон төрлийн онцгой хоол, усан гулгуур, хөөсөн бассейн, наран шарлага, усан завь, нисдэг онгоц, paintball, хүн чавх, элсний волейбол, морин аялал, цаа бугын аялал, цаатан ахуйтай танилцах, дугуй, мото аяллуудыг ч байгаа юм.
24tsag.mn
-
2016 оны 8 сарын 02
МЗЭ-ийн салбар, УБТЗ-ын дэргэдэх Утга зохиолын нэгдлээс ”Ган зам” сонинтой хамтран жил бүр уламжлал болгон зохион байгуулдаг ”Ган үзэг-2016” яруу найргийн наадам өчиглдөр болж шилдгүүдээ тодрууллаа. Энэхүү наадам нь эх сайхан монгол хэл, уран яруу найргаараа дамжуулан эх орон, төмөр замын аж амьдралыг хойч үедээ таниулан сурталчилах зорилготой юм.
Яруу найрагчид эх орон, төмөр зам, чөлөөт гэсэн сэдэвтэй гурван шүлгээр оролцлоо. Ялагчдын талаарх дэлгэрэнгүй мэдээлэл удахгүй тодорхой болох юм байна.
-
2016 оны 8 сарын 02
Рио гийн олимпийн медалиудыг ингэж хийжээ
-
2016 оны 8 сарын 02
Хүн төрөлхтний эв нэгдлийн бэлэгдэл болсон зуны XXXI олимпийн наадмыг зохион байгуулж буй Бразил нутгийн соёл, зан заншил, шашин шүтлэг, байгалийн өвөрмөц тогтолцоо, уугуул Туюука омог болон шилжин суурьшсан ард түмний амьдралыг харуулсан нэгэн сонирхолтой гэрэл зургийн үзэсгэлэнг нийслэлийн Засаг даргын ивээл дор зохион байгуулах гэж байна.
Залуу уран бүтээлч Б.Намууны авсан 1500 орчим гэрэл зургаас 50-ийг нь сонгон, Бразилийн өвөрмөц соёлыг илтгэх инстолляцын бүтээлүүдтэй хамт дэлгэн үзүүлж байгаагаараа онцлог юм Энэхүү үзэсгэлэнг удахгүй Холбооны Бүгд Найрамдах Бразил Улсын Рио де Жанейро хотод болох зуны олимпийн их наадамд зориулан гаргаж байгаа юм байна.
Үзэсгэлэн Г.Занабазарын нэрэмжит Дүрслэх урлагийн музейн үзэсгэлэнгийн танхимд 2015.08.05-21-ны хооронд болно гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 8 сарын 01
Үндэсний их баяр наадам, Монголын Тулгар төрийн 2225 жил, Их Монгол улсын 810 жил, Ардын хувьсгалын 95 жил, Эрдэнэт хот байгуулагдсаны түүхт 40 жилийн ой, Хангайн бүсийн Их хурд уралдаан, Орхон аймгийн баяр наадам дөрвөн өдрийн турш үргэлжилж өндөрлөв.
-
2016 оны 8 сарын 01
Монгол Улсын начны тоо энэ жилийн наадмаар 18-аар нэмэгдсэн. Тэдний нэг нь Дорнод аймгийн харьяат Улсын начин Д.Анар юм. Түүний улсыг цолыг мялаан, нутгийнхан нь хүндэтгэлийн наадам Дорнод аймгийн Төв цэнгэлдэх хүрээлэнд болж өнгөрсөн. Наадмын үеэр Баянтүмэн суманд соёолон насны морины уралдаан, сурын талбайд халх сурын харваа, Төв цэнгэлдэх хүрээлэнд хүчит 64 бөхийн барилдаан болсон.
Улсын начин Д.Анар нь Дорнод аймгийн Онцгой байдлын газрын Хэрлэн сум дахь Гал унтраах аврах 53 дугаар ангийн албан хаагч. Түүнийг саяхан Онцгой байдлын ахлах дэслэгч цолоор шагнасан юм.
Тэгвэл Дорнодчууд сүүлийн арваад жил тасраад байсан улсын цол авчирсан шинэхэн начныхаа түүхэн амжилтыг гурван байраар мялаажээ. Тодруулбал, наадмын үеэр шинэ начинд УИХ-ын гишүүн Х.Болорчулуун “Залуус” хорооллын 2 өрөө байр, УИХ-ын гишүүн, ХНХ-ын сайд Н.Номтойбаяр, аймгийн Засаг дарга М.Бадамсүрэн, Нутгийн зөвлөлөөс Улаанбаатар хотын Хархорин цогцолбор хороололд 2 өрөө байр, Дорнод аймгийн Дашбалбар сумаас Улаанбаатар хотод байрлах 1 өрөө байр бэлэглэжээ.
-
2016 оны 8 сарын 01
Рио-гийн олимпийн наадамд монголчуудынхаа магнайг эхэлж тэнийлгэх магадлалтай тамирчид бол жүдогийнхон. Жүдо бөхийн тэмцээн наймдугаар сарын 6-нд эрэгтэйчүүдийн 60 кг, эмэгтэйчүүдийн 48 кг-ын жингийн өрсөлдөөнөөр эхэлнэ. Жүдогийн онцлог нь тухайн өдрөө медальтнууд тодордог билээ. Тэгвэл наймдугаар сарын 6-нд эрэгтэйчүүдийн 60 кг-ын жинд Онцгой байдлын ерөнхий газрын харъяа “Аврагч” техник спорт клубын тамирчин Ц.Цогтбаатар зодоглох юм.
Цэнд-Очирын Цогтбаатар жиндээ дэлхийн чансааны 23-т бичигдэж байгаа. Түүнд итгэл найдвар тавьж, олимпийн наадамд зодоглох эрхийг өгсөн. Залуу тамирчин итгэл дааж, бидний магнайг тэнийлгэх биз ээ.
Түүнчлэн энэ өдөр эмэгтэйчүүдийн 48 кг-ын жинд М.Уранцэцэг барилдана. Дэлхийн аварга Мөнхбатын Уранцэцэгийн хувьд дэлхийн аварга. Дэлхийн чансааг жиндээ тэргүүлж яваа, өнөө цагийн шилдэг бөх. Түүнээс маргаангүй медаль хүлээж байгаа юм.
-
2016 оны 8 сарын 01
МЗЭ-ийн салбар, УБТЗ-ын дэргэдэх Утга зохиолын нэгдлээс ”Ган зам” сонинтой хамтран жил бүр уламжлал болгон зохион байгуулдаг ”Ган үзэг-2016” яруу найргийн наадам болох гэж байна. Энэхүү наадам нь эх сайхан монгол хэл, уран яруу найргаараа дамжуулан эх орон, төмөр замын аж амьдралыг хойч үедээ таниулан сурталчилах зорилготой билээ.
Яруу найрагчид эх орон, төмөр зам, чөлөөт гэсэн сэдэвтэй гурван шүлгээр оролцох боломжтой юм. Наадам өнөөдөр 18.00 цагаас Соёлын ордонд болно.
-
2016 оны 7 сарын 31
Яг одоо Польш, Эстонийн баг тамирчид барилдаж байна. Үүний дараа Польш улсын баг тамирчид Монгол Улсын баг тамирчидтай барилдана. Тэмцээн өнөөдөр өндөрлөж, дэлхийн аваргууд тодорно.
-
2016 оны 7 сарын 31
Монголын баг тамирчдын тэмцээний хуваарь /өдөр бүрээр/:
Он сар Төрөл Нэр
08.05 Байт харваа Ж.Гантөгс Урьдчилсан харваа
08.06 Бокс /48кг/ Г.Ган-Эрдэнэ
Бокс /60кг/ Д.Отгондалай
Буудлага Г.Нандинзаяа
Жүдо /эр, 60кг/ Ц.Цогтбаатар Медалийн эзэд тодорно
Жүдо /эм, 48кг/ М.Уранцэцэг Медалийн эзэд тодорно
08.07 Бокс /60кг/ Д.Отгондалай
Бокс /69кг/ Б.Түвшинбат
Жүдо /эр, 66кг/ Д.Төмөрхүлэг Медалийн эзэд тодорно
Жүдо /эм, 52кг/ А.Цолмон Медалийн эзэд тодорно
Буудлага/10метрийн хийн гар бууны дасгал/ О.Гүндэгмаа, Ц.Мөнхзул
08.08 Бокс /49кг/ Г.Ган-эрдэнэ
Бокс /69кг/ Б.Түвшинбат
Жүдо /эр, 73кг/ Г.Одбаяр Медалийн эзэд тодорно
Жүдо /эм, 57кг/ Д.Сумьяа Медалийн эзэд тодорно
Байт харваа Ж.Гантөгс Ганцаарчилсан харвааны хасагдах шат
08.09 Бокс /60кг/ Д.Отгондалай
Жүдо /эр, 81кг/ О.Ууганбаатар Медалийн эзэд тодорно
Жүдо /эм, 63кг/ Ц.Мөнхзаяа Медалийн эзэд тодорно
Буудлага/спорт гар бууны төрөл/ О.Гүндэгмаа, Ц.Мөнхзул Үдээс өмнө урьдчилсан буудлага, үдээс хойш финал
Байт харваа Ж.Гантөгс Ганцаарчилсан харваа хасагдах шат үргэлжилнэ
08.10 Бокс /49кг/ Г.Ган-эрдэнэ
Бокс /56кг/ Э.Цэндбаатар
Жүдо /эр, 90кг/ Л.Отгонбаатар Медалийн эзэд тодорно
Жүдо /эм, 70кг/ Ц.Наранжаргал Медалийн эзэд тодорно
Байт харваа Ж.Гантөгс Ганцаарчилсан харваа хасагдах шат
08.11 Бокс /56кг/ Э.Цэндбаатар
Бокс /64кг/ Б.Чинзориг
Бокс /69кг/ Б.Түвшинбат
Жүдо /эр, -100кг/ Н.Түвшинбаяр Медалийн эзэд тодорно
Жүдо /эм, -78кг/ П.Лхамдэгд Медалийн эзэд тодорно
Буудлага /Урт бууны төрөл/ Г.Нандинзаяа
Усанд сэлэлт /50метр, эр/ Б.Дөлгөөн Чөлөөт сэлэлтийн урьдчилсан уралдаан
08.12 Бокс /49кг/ Г.Ган-эрдэнэ
Бокс /60кг/ Д.Отгондалай
Жүдо /эр, +100кг/ Б.Тэмүүлэн Медалийн эзэд тодорно
Байт харваа Ж.Гантөгс Шилдэг 16-д шалгарсан тохиолдолд шөвгийн найм, хагас болон шигшээ харваанд өрсөлдөх боломжтой
08.13 Бокс /52кг/ Х.Энх-амар
Бокс /69кг/ Б.Түвшинбат
08.14 Бокс /49кг/ Г.Ган-эрдэнэ Финал
Бокс /56кг/ Э.Цэндбаатар
Бокс /60кг/ Д.Отгондалай
Бокс /64кг/ Б.Чинзориг
Хөнгөн атлетик /марафон, эм/ Л.Отгонбаяр, Б.Мөнхзаяа
08.15 Бокс /52кг/ Х.Энх-амар
Бокс /69кг/ Б.Түвшинбат
08.16 Бокс /60кг/ Д.Отгондалай Финал
Бокс /56кг/ Э.Цэндбаатар
Бокс /64кг/ Б.Чинзориг
08.17 Бокс /69кг/ Б.Түвшинбат Финал
Бокс /52кг/ Х.Энх-амар
Тэквондо /58кг, эр/ П.Тэмүүжин Медалийн эзэд тодорно
Чөлөөт бөх/58кг, эм/ П.Орхон Медалийн эзэд тодорно
Чөлөөт бөх/69кг, эм/ О.Насанбурмаа Медалийн эзэд тодорно
08.18 Бокс /56кг/ Э.Цэндбаатар
Чөлөөт бөх/53кг, эм/ Э.Сумьяа Медалийн эзэд тодорно
Чөлөөт бөх/63кг, эм/ С.Батцэцэг Медалийн эзэд тодорно
08.19 Бокс /64кг/ Б.Чинзориг
Чөлөөт бөх /57кг, эр/ Э.Бэхбаяр Медалийн эзэд тодорно
Чөлөөт бөх /74кг, эр/ П.Өнөрбат Медалийн эзэд тодорно
08.20 Бокс /56кг/ Э.Цэндбаатар Финал
Чөлөөт бөх /80кг, эр/ О.Үйтүмэн Медалийн эзэд тодорно
Чөлөөт бөх /+125кг, эр/ Ж.Чулуунбат Медалийн эзэд тодорно
08.21 Бокс /52кг/ Х.Энх-амар Финал
Бокс /64кг/ Б.Чинзориг Финал
Чөлөөт бөх /65кг, эр/ Г.Мандахнаран Медалийн эзэд тодорно
Чөлөөт бөх /97кг, эр/ Д.Хүдэрбулга Медалийн эзэд тодорно
Хөнгөн атлетик /марафон, эр/ Б.Сэр-Од, Д.Гантулга, Ц.Бямбажав
-
2016 оны 7 сарын 31
Өнөөдөр МУГЖ Ж.Алтанцэцэгийн төрсөн өдөр тохиож байна. Гэвч тэрээр төрсөн өдрийн баяраа нэг өдрөөр хойшлуулж 8 сарын 1-ний өдөр төрлөх Налайх хотынхоо хүүхэд багачуудтай хамт тэмдэглэн өнгөрүүлэхээр болжээ. Төрсөн өдрөөрөө өөрөө баярлахаас илүүтэй хүүхэд багачуудад баяр хөөр бэлэглэхийг зорьсон нь энэ аж. Налайх дүүргийн 10 шар хэмээн байрнуудын дунд орших тоглоомын талбайд хүүхэд насаа үдсэн гавъяат маань яг одоо багын дурсамжит тогломын талбайгаа тохижуулж байна. ”Хүүхэд насны дурсамж” хэмээн нэрлэгдэж олон сайхан тоглоомоор баяжигдсан тус тоглоомын талбайн нээлт маргааш болох юм.
Дуучин Ж.Алтанцэцэгийн хувьд Олон улсын хүүхдийн эрхийг хамгаалах өдрөөр хүмүүнлэгийн ажил хийдэг уламжлалтай бөгөөд монголын ирээдүй болсон хүүхэд багачуудынхаа төлөө маш олон ажлыг зохион байгуулж байсан билээ.
-
2016 оны 7 сарын 31
Домогт “Битлз” хамтлагийн ахлагч агсан Жон Ленноны лимузин автомашиныг зарахаар болжээ. Тодруулбал, Их Британийн “Sotheby’s” дуудлага худалдааны газар нь Ховорхон төмөр хүлгийг Ленноны гарын үсэгтэй өөрийнх нь бичиг баримттай нь хамт худалдах бөгөөд автомашины дуудлага худалдааны анхны үнэ 250 мянган еврогоос эхлэх аж.
Тэрээр олсон орлогын тодорхой хувийг хүмүүнлэгийн үйлсэд зориулахаар болжээ. Дуудлага худалдаа ирэх есдүгээр сарын 7-нд Лондонд болно.
Дашрамд дурдахад, 1956 онд үйлдвэрлэгдсэн “Austin Princess”-Mwr нэрт дуучин 1971 онд худалдаж авч байв.
-
2016 оны 7 сарын 31
МЗЭ-ийн салбар, УБТЗ-ын дэргэдэх Утга зохиолын нэгдлээс ”Ган зам” сонинтой хамтран жил бүр уламжлал болгон зохион байгуулдаг ”Ган үзэг-2016” яруу найргийн наадам болох гэж байна. Энэхүү наадам нь эх сайхан монгол хэл, уран яруу найргаараа дамжуулан эх орон, төмөр замын аж амьдралыг хойч үедээ таниулан сурталчилах зорилготой билээ.
-
2016 оны 7 сарын 31
Монгол Улсын начны тоо энэ жилийн наадмаар 18-аар нэмэгдсэн. Тэдний нэг нь Дорнод аймгийн харьяат Улсын начин Д.Анар юм. Түүний улсыг цолыг мялаан, нутгийнхан нь хүндэтгэлийн наадам хийхээр болжээ. Улсын начин Д.Анарт хүндэтгэл үзүүлэх наадам Дорнод аймгийн Төв цэнгэлдэх хүрээлэнд өнөөдөр болно.
Наадмын үеэр Баянтүмэн суманд соёолон насны морины уралдаан, сурын талбайд халх сурын харваа, Төв цэнгэлдэх хүрээлэнд хүчит 64 бөхийн барилдаан, Онцгой байдлын газрын алба хаагчдын урлагийн тоглолтыг зохион байгуулах аж.
Улсын начин Д.Анар нь Дорнод аймгийн Онцгой байдлын газрын Хэрлэн сум дахь Гал унтраах аврах 53 дугаар ангийн албан хаагч. Түүнийг саяхан Онцгой байдлын ахлах дэслэгч цолоор шагнасан юм.
-
2016 оны 7 сарын 30
Цагаан будаа угаасан ус
-
2016 оны 7 сарын 30
Хүн төрөлхтний ОЛИМПИЙН И X наадам эхлэхэд найм хоног үлдлээ. Бразилийн цэнгэлдэх хүрээлэнгүүдийи багтаамж жижиг учраас Лондонгийн олимпоос 200 мянга орчмоор цөөн буюу 7.5 сая тасалбар худалдаанд гарчээ.
-
2016 оны 7 сарын 30
“Даншиг наадам- Хүрээ цам” шашин, соёлын наадмын хөтөлбөр
-
2016 оны 7 сарын 30
1999 оноос хойш хип хоп урсгалаар уран бүтээл туурвиж, өөрсдийн орон зай, сонсогчидтой болсон “Дижитал” хамтлагийнхан өнөөдөр буюу энэ сарын 30-нд “Галзуу ганц” тоглолтоо хийнэ.
-
2016 оны 7 сарын 30
Сонирхогчдын сүмо бөхийн ДАШТ энэ амралтын өдрүүдэд Улаанбаатар хотноо “Буянт ухаа” спорт цогцолборт болно. ДАШТ-ийг Японы мэргэжлийн сүмо бөхийн дэвжээнд хүч үзэж буй сүмочид маань ирж сонирхохын зэрэгцээ тамирчдаа дэмжихихээр ирээд байгаа билээ. Ингээд тус тэмцээний хөтөлбөрийн танилцуулж байна.
