-
2016 оны 6 сарын 30
“Найрсаг Улаанбаатар” хөтөлбөрийн хүрээнд Дэлхийн болон Монголын сонгодог урлагийн сор болсон бүтээлүүдийг дээжлэн хүргэдэг “Бэст оф Классикс” сонгодог урлагийн үдшийн цэнгүүнийг Улсын Дуурь Бүжгийн Эрдмийн Театрын уран бүтээлчид 07 сарын 02- ны өдөр буюу бямба гарагт 21:00 цагаас Чингисийн талбайд тоглох гэж байна.
-
2016 оны 6 сарын 30
Монголын үндэсний ууган сонгодог бүтээл “Учиртай гурван толгой” дуурийг Үндэсний их баяр наадамд зориулан Сүхбаатарын талбайд тоглох бөгөөд гол дүрүүдийн сонгон шалгаруулалт явагдаж байна.
-
2016 оны 6 сарын 28
”BET” Awards 2016” жилийн шилдэг кино, хөгжим шалгаруулах ёслол энэ сарын 26-нд Лос Анжелис хотноо болж өнгөрлөө. Ингээд улаан хивсний ёслолын зургуудаас хүргэж байна.
-
2016 оны 6 сарын 27
Манай гарагийн янз бүрийн үндэстэн ястнууд өвөрмөц ёс заншилтай байдаг билээ. Аялал жуулчлалын томоохон сайт болох Hotels.com цахим хуудас орон орны ард түмний өвөрмөц мэндчилгээнүүд, мөн тухайн улс оронд аялж байхдаа эвгүй байдалд орохгүйн тулд биеэ хэрхэн зөв авч явах талаар зөвлөжээ. Ингээд Шинэ Зеланд, Түвд эсвэл Гренландын мэндчилгээний ёс заншилд биеэ хэрхэн бэлдэх эсвэл Кенийн ард түмний явуулын зочдод зориулан зохиодог «бэсрэг наадам» гэж юу болох талаар дорх нийтлэлээс уншаарай.
Шинэ Зеланд
Киви жимсний орон болох энэ улсаар аялах үедээ та нутгийн уугуул иргэд болох маори буюу хонги үндэстний уламжлалт мэндчилгээг харж болно. Тэдний мэндчилэх ёс заншил олон зуун жилийн түүхтэй бөгөөд энэ нутгийнхан уулзах үедээ хамраараа шүргэлцэн мэндчилдэг байна.
Хамраараа шүргэлдэх нь ха буюу «амьдралын амьсгал»-д хүрч буй бэлгэ тэмдгийн шинжтэй үйлдэл бөгөөд ингэж мэндчилсний дараа манухири буюу зочин нь тангата венуа буюу «дэлхийн хүн» болдог гэнэ.
Зөвлөгөө: зайг зөв тодорхойлох бас эвгүй байдалд орохоос зайлсхийх, мөн бэртэхгүйн тулд нүдээ бүү аниарай.
Түвд
Хэн нэг рүү хэлээ гаргахыг ихэнх оронд зохимжгүй үйлдэлд тооцдог бол харин Түвдэд энэ нь мэндчилж байгаа хэрэг гэнэ. Түвдийн уугуул иргэдийн энэ заншил нь IX зуунд буюу Ландарм гэдэг хараалч хар хэлтэй хааны үед дэлгэрчээ. Түвдүүд Ландармын сүнс биед нь шингэхээс
айж, хорон муу санаатай биш гэдгээ батлахын тулд мэндчилэхдээ бие бие рүүгээ хэлээ гаргадаг болсон гэдэг.
Зөвлөгөө: хэрвээ хэлийг хар өнгөтэй болгодог бохь зажилсан эсвэл хоол хүнс хэрэглэсэн тохиолдолд түвдүүдтэй уламжлалт заншлаар нь мэндчилэхээс зайлсхийгээрэй.
Тувалу
Арлын энэ орныг зорьж байгаа аялагчид нутгийн найрсаг уугуул иргэд болох аборигенуудтай уулзахад бэлэн байх ёстой. Тувалу арлынхан хоорондоо мэндчилэхдээ нэг нь нөгөөгийнхөө хацар дээр хацраа нааж гүнзгий амьсгалдаг гэнэ.
Зөвлөгөө: нутгийн иргэдийн ёс жаягийг даган мөрдөж, арлын энэ орныг зорихынхоо өмнө сонгино идэхгүй байхыг хичээгээрэй.
Монгол
Үзэсгэлэнт тал хээр нутагтай Монгол оронд эртний уламжлалт заншлаар хэд хэдэн аймгийн оршин суугчид одоог хүртэл мэндчилдэг. Монголчууд гэрт нь танихгүй хүн зочлон ирэхэд нь хадаг барин угтдаг. Хадаг нь ихэвчлэн цэнхэр өнгөтэй байдаг бөгөөд бас шар цагаан өнгөтэй ч байдаг. Монголын зарим бүс нутгуудад гаанс, хөөрөг солилцдог заншилтай.
Зөвлөгөө: хэрвээ таньд хадаг барьсан бол та хоёр гараар бага зэрэг мэхийн аваарай, учир нь энэ нь гүнээ хүндэтгэж байгаагийн тэмдэг юм.
Япон
Толгойгоо үл мэдэг дохихоос эхлээд бүсэлхийгээ хүртэл тонгойн мэндчилэх нь мэндчилгээний соёлын салшгүй нэг хэсэг юм. Хэрвээ татами дэвжээн дээр мэндчилэх болбол эхлээд өвдгөн дээрээ сөхрөн суусныхаа дараа бөхийх ёстой юм байна. Хэдий чинээ удаан бөгөөд доош
тонгойн бөхийнө төдий чинээ хүндэтгэл үзүүлж байна гэсэн үг гэнэ. Харин залуучууд нь ёс төдий толгой дохин мэндчилдэг ажээ.
Зөвлөгөө: япончуудын дийлэнх нь гадаадынхныг зөв мэндчилж байна уу гэдэгт нэг их анхаарал хандуулдаггүй, тиймээс толгойгоо бага зэрэг бөхийлгөхөд л хангалттай.
Кени
Кенид аялж байгаа хүмүүстэй Хар тивийн хамгийн алдартай омог болох масаигийн төлөөлөгчид тааралдах нь дамжиггүй. Масаичуудын гайхамшигтай уламжлал, ёс заншлууд, омгийн дайчдын үзүүлдэг адуму гэдэг мэндчилгээний бүжгийг үзэх завшаан танд тохионо. Бүжигчид
тойрог үүсгэн өндөрт үсрэн бие биетэйгээ тэмцэлдэж эхэлдэг бөгөөд энэ нь зочиддоо тус омгийнхон аймшиггүй чин зоригтой бас хүчтэй гэдгийг харуулж байгаа хэрэг аж.
Зөвлөгөө: мэндчилгээний бүжгийн үеэр үнээний сүүг цустай хольсон ер бусын ундаа уулгаж магадгүй тул бэлэн байгаарай.
Гренланд (Дани)
Арктикийн ихэнх бүс нутагт, тухайлбал, Гренландад эскимосчуудын уламжлалт мэндчилгээг куник гэж нэрлэдэг. Ийм мэндчилгээгээр гэр бүлийн гишүүд болон хайртай хосууд хоорондоо мэндчилдэг байна. Тэд уулзахдаа нэг нь хамар болон уруулаараа нөгөө хүний биед дарж, амьсгалдаг ажээ. Дашрамд сонирхуулахад өмнөд нутгийн инуитууд /эскимосчууд өөрсдийгөө ингэж нэрлэдэг байна/ энэ заншлыг хамраараа шүргэлцдэг /эскимосчуудын үнсэлт/ болгон өөрчилжээ.
Зөвлөгөө: хүйтэнд хүмүүстэй мэндчлэхдээ хамрын ханиад хүрсэн эсэхээ магадлаарай, эс бөгөөс нөгөө хүнтэйгээ наалдчихаж мэднэ.
Хятад
Коутоу гэдэг Хятадын мэндчилэх ёс жаяг нь гурван удаа өвдөг сөхөрч, 9 удаа мэхийн ёслохыг хэлдэг бөгөөд энэхүү уламжлал нь Хуандийн /Шар хаан/ засаглалын үеэс улбаатай юм. Эхэндээ хаантай уулзахдаа эсвэл хурим гэх мэт баяр ёслолын үеэр ингэж мэндчилдэг байсан бол хожим нь ард олны дунд өргөн тархжээ.
Зөвлөгөө: энэ заншлыг дагахдаа тогтсон хэв жаягаас нь хэтрүүлж болохгүй шүү, тэгэх аваас танд ямар нэгэн хүндэтгэл үзүүлэхгүй байж мэднэ.
Тайланд
Алга хавсран мэхийн мэндчилэх ёслолыг вай гэж нэрлэдэг. Гарын байрлал янз бүр байдгийг Таиландад зорчиж үзсэн хүн бол андахгүй. Хоёр гар нүүрэнд хэдий чинээ ойр байвал мэндчилж буй хүнээ төдий чинээ хүндэлж буй хэрэг мөн. Анхандаа энэ заншлыг зэвсэггүй гэдгээ харуулахын тулд хэрэглэдэг байсан бол хожим нь дээд зэргээр хүндэтгэж байгаагийн илрэл болсон юм.
Зөвлөгөө: энэ мэндчилгээ Таиландад маш өргөн дэлгэрсэн байдаг учраас бүү төвөгшөөгөөрэй.
Филиппин
Арлын энэ улсад маш гайхалтай уламжлал байдаг. Залуу хүн өндөр настантай мэндчилэхдээ баруун гарыг нь бөхийн барьж, дараа нь хурууныхаа үеэр духанд нь хүрч «мано по» /мано гэдэг нь гар, по гэдэг нь хүндэтгэх/ гэж хэлдэг байна.
Зөвлөгөө: хурууныхаа үеэр чанга хүрэх хэрэггүй шүү.
Эх сурвалж:www.budda.mn
-
2016 оны 6 сарын 27
өдрүүдэд 75.000 ам.долларын шагналын сан бүхий ”EXTREME MEMORY TOURNAMENT-2016” ой тогтоолтын халз тэмцээн боллоо.
-
2016 оны 6 сарын 27
Баяр наадмын өмнөх хамгийн сүүлийн заал танхимын барилдаан болох Их сорилго өчигдөр ”Бөхийн өргөө”-нд боллоо. МҮБХ, Шүүхийн шийдвэр гүйцэтгэх алба хамтран зохион байгуулсан барилдаанд улсын арслан Х.Мөнхбаатар, улсын заан Б.Соронзонболд, Б.Батмөнх нарын улс, аймгийн алдар цолтой 224 бөх зодоглосноос, улсын начин Т.Баасанхүү түрүүлж, аймгийн хурц арслан Б.Эрдэнэхүү үзүүрлэлээ.
-
2016 оны 6 сарын 26
Өнгөрсөн жилээс эхлэн НЗДТГ-аас Чингисийн талбайд үндэсний их баяр наадамд зориулсан бүрэн хэмжээний амьд тоглолт бэлтгэн хүргэж байгаа.
-
2016 оны 6 сарын 26
Израйлийн эрдэмтэд “Home Biogas” хэмээх ухаалаг хогийн савыг бүтээж, Палестины алслагдсан тосгоны иргэдийн хэрэгцээнд нийлүүлж байна.
-
2016 оны 6 сарын 26
Лондонгийн “adam&eveDDB” сурталчилгааны агентлаг муур тэжээгчдэд зориулсан “Catterbox” хүзүүвчийг танилцуулж байна. Энэ ухаалаг төхөөрөмж нь муур “мяав мяав” гэж дуугарах бүрт тусгай програм, дижитал мэдрэгчийн тусламжтайгаар илэрхийлэх гэсэн санааг нь хүний хэлээр хөрвүүлэх юм.
-
2016 оны 6 сарын 26
Утгын чимэг 2013-ын шилдэг арван тавд үлдсэн бүтээл
Мөндөртийн зүүгээр хэдэн бөрлөн үүл усанд цувсан сарлаг лугаа бөртөлзөв. Тэр бараанаар багачуул аргал түлшээ бүтээн жирийж, гурав хоног эхлээр явсан Баржав амнаасаа исгэл үнэртүүлэн “Ээж чинь хаачив?” гэж хүүгээсээ асуухдаа орныхоо өмнө хаясан гаанс тамхиндаа гараа явууллаа. “Мэдэхгүй ээ!” гэж жаал хүү хэллээ.
Хотондоо хоёрхон гэрээр тул ээж хаа л холдоо аж, адарч байгаа нь тэр. Баржав тамхиа нэрж нээлттэй үүдээр тэртээ доод хөндийд зодуулсан гөлөг шиг хэвтэх өнчин ганц толгойг харжээ “Энэ бид хоёрын байж байгаа. Уг нь сайн хүний удам, сайхан уулын тасархай юмсан” гэж санав. Тэнгэр нижигнэн бороо асгарахын түрүүчээр аянга цахилгаан тэр өнчин толгойг хайр найргүй шавхуурдан нанчдаг. Тэгвэл Баржавыг хааяа ингэж хорхойсч яваад ирэхэд Доржмаа эм л амьтан болсон хойно яаж дуугүй өнгөрөхөв. Тэр өнчин ганц толгой, Баржав хоёр ийм цагт адилдаа адил. Харин тэр өнчин толгой Баржав шиг морь унаж, мод тохоод тэнэхгүй юм даа. Баржавыг ийн бодож байтал үүдээр нэг их цэлсхийсэн хөх шуурга орж ирсэн нь Доржмаа. “Одоо ч эхэлнэ дээ, хөөрхий!” гэж санасан Баржав гаанс тамхиа газар хаяад, дээлээ толгой дээгүүрээ нөмрөн буруу харж өнхрөхийг харсан жаал хүү цатгалан зурам шиг час часхийлгэх эгдүүтэй.
Өөрийгөө “Энэ улаан гол согтуудаа хүүхдийн дэргэд бас юу гэж солиороо бол” гэхээс Баржавын яс хавталзана. Тэгж байтал Доржмаа дуудлаа. “За, босч л болохгүй шүү, толгойгоо ч бүү цухуйлга, энэ хүүхэн хулхиар чинь сүнгэнүүлэх гэж байна!” хэмээн хөнжлөө улам битүүлэв.
-Баржаав, өндий! гэж Доржмааг ихээ тайван дуудваас тэр “Нялуурч байгаад өвчихөөр шийдлээ, орой болтол бүү босохтүн!” гэж санатал тэр хөнжлийг нь сөхөв. Нүдний булангаар сэмхэн харвал Доржмаа аяга халуун нэрмэл сэнгэнүүлээд “Үүнийг балгачих маягтай гэдэг нь, юу болчоов?” гэж ширэв татах ялдамд сайхан аашлахыг хараад тэр зөнөсөн бурхи шиг гэнэ алдан өндийв. Баржав аягатайг гуд гуд залгилаад амаа арчихдаа,
-Би урьд шөнө их дөвчигнөв үү, хө? гэж зальжнаар үг тандав.
-Гайгүй ээ, дээдсээрээ л бардлаа! Чиний ихэс дээдсийн удамс гэж гайхуулдаг үнэн байна. Чамайг уусандаа солиорч хэрэгт унана гэж айж явсан, тэгтэл яах аргагүй үнэн байна гэж Доржмаа их л итгэлтэй хэлэв.
Энэ нь цаанаа нарийн учиртай санж. Тэгээд ч манайхан удам судраа насаараа дээдэлж төрхөмсдөг хойно. Ухаантай бүсгүй хүн уулыг утсаар ч хөтөлнө гэдэг энэ. Түүний магтаал үгийг сонссон Баржав хөнжил дотроо бүр цогнойгоод ирлээ. “Энэ өгөрийн байж байгаа! Сэцэн билэгт эцгийн удам гэж гайхуулах ч яамай, үнэн худлыг мэдэхгүй хэвтэж хөөрөх. Гэхдээ манайхныг бурхан дээдсийн гал голомтыг сахисан л гэлцэг юм даа, өнөөдөр хэн манийг тооно. Гучин хэдэн онд би ингэж согтуу бурсан бол аль хэдийн Шар хадны өвөрт халуун сум залгисан байж таарна” хэмээн санаж чичрүүс алдав.
Тэрхэн зуур нүдний нь өмнө орон гэр, удам судрыг нь гийгүүлсэн амьд бурхан, ботгон бор нүдэндээ ичингүйрэл нуусан бүсгүй тэр л жилийнхээ төрхөөр инээвхийлэх нь дотор уужилна. Тэр бол Баржавт нэгэн насаар худал хуумгай аашлаагүй үнэнч шүтээн, гучин жилийн өмнө хошуу дэвсэн гуйж гувшиж авсан энхрий хүн Доржмаа бүлгээ. Баржав “Хүний охин үрийг жаргаана гэж аваад ингэж явах. Тэгээд бас дээдсийн удам санаатай!” гэхээс өөрийгөө “Ихсийн сүлдийг гудайлгаж, ус голынхоо тоонотын тоог гүйцээж, босготын босгыг элээсэн нойтон толгой!” гэж лут ихээр зэмлэв. Тэр багадаа “Сэцэн билэгт дээдсийн алдрыг сэвтээж, ясыг өндөлзүүлэх тархи!” гэж аавдаа аашлуулдаг асан нь түүнийг дээрээ даруулга, дээлэндээ товчтой өсгөжээ.
-Хэн тэгж айлдав, хө? хэмээн Баржав завьжаа хонхолзуулж, тамхиа сорсоор лавлав. Доржмаа ширхэг ч цагаангүй гил хар үсээ арагш илэн:
-Аймгийн ургийн бичгийнхэн буугаад мордлоо. Хүн ирэхэд гэртээ ч байхгүй хачин юм. “Худлаа хэлж хүнийг ялд унагах гэлээ” гэсэн чинь намайг баахан айлгаж сандаргалаа. “Өвсийг үндсээр нь ухавч ургах, хүнийг удмаар нь устгавч ураг үл тасрах. Хамаг монголын хааны голомтыг манасан удамс байж нууж хаалаа” гэж сүнс зайлуулах шахлаа гэж Доржмаа цаанаа зальжнаар инээмсэглэв.
Урьд орой нь түүний эзгүйд тэднийд урагийн бичгийнхэн юу байхав, худаг усны хэдэн хүн цайлаад мордсон нь үнэн. Гэхдээ энэ нь хэрүүл хийж сууснаас хавьгүй дээр. Баржавын өмнө мөнөөх гэнэн аймхай, туулай зүрхээ аюулхайн чинадаа нуусан ичингэр бүсгүй номхруулах үг айлтган өмнө нь сууна.
“Энэ минь тийм л сайхан амьтан, өнөө ч хэвээрээ байна. Тэгэхэд Доржмаа нялхаараа байжээ. Энгэрээ задгайлахгүй. Нүцгэн биеэ чамд харуулахгүй хэмээн зулын дөл шиг далдичиж суусан сан...” гэж Баржав эхнэрээ дотроо аргадав. Чингэхдээ өөртөө “Сэцэн билэгт хааны удам судар юм бол уужуу ухаантай бай, Баржав чи! Одоо нударгатай явахгүй бол энэ ихэр гурван голдоо эцэг дээдсийн сүнсийг төөрүүлж, алдрыг хөсөр гээнэ. Улаан залаатай монгол хүн байж алгын чинээ дэлхийгээс айж юу хийнэ” гэж өөртөө тушаав. Тэр нэг л өөр, хийморьтой болжээ.
-Доржмаа, чи миний нойтон үгээр могдорлож яана! гэж битүүхэн итгэж ядав.
-Худал хэлэх дүүрч, ихсийнхээ сүлдийг барьж хэн зүрхэлнэ. Ихсийнхээ сүнсээр тогловол улс гэр мянган жилдээ ч удам судраараа доройтдог юм гэсэн.
Энэ үгийг сонсоод Баржавын дотор бүр ч цэлсийгээд явчихав.
-Маргаашнаас хэдэн унагаа чагталдаг юм уу даа... гэсээр тэр урамтайяа гулав шалав босов.
-Ухаантай амьдрах цаг чинь ирж байгаа даг, Баржав гуай! гэхдээ Доржмаа галдаа аргал нэмэв.
Харин Баржав “Манайхан надаас эхлээд удам судраа хэдэн жарнаар хав дарлаа. Цаг наашилж одоо ам ангайх болж, яамай” гэхээс нэг л сонин. Чингэхдээ Доржмааг харж “Манай Доржмаа Хамаг монголын их хааны үр удамсын туургатад туяарах хувьтай хүүхэн” гэж эхнэрээрээ бардав. Харин Баржавын энэ мэт долдой магтаал түүнд бараг гай болно.
Маргааш нь бар цагт Баржав гүүгээ барихаар хавийн харчуулыг залж Зуун модотын задгай ногоон дэнжийг тоосруулж өнжив. Доржмаа дотроо “Манай Баржав адууны тоосонд өссөн амьтан. Энэ маань үнэхээр ч Хамаг монголын Сэцэн билигт хааны удам судар ч юм сан уу, арай л өөр хүн. Үгүй ч байлаа яалаа. Гэхдээ өнөөгийн бид өндөр дээдсийнхээ өвөрт төрсөн нь л үнэн. Тэгээд ч манай Баржав бурхдын нэр барьж халамцах хүн биш. Энэ голынхныг Сэцэн хааныхан гэлццэг үнэн аваас энэ хэдэн хүүхэд ч эзэн заяатай...” Доржмааг ийн босон суун байтал Баржав гаднаас орж ирэн хазаар ногтоо ханын толгойд өлгөхдөө “Хэдэн унага маань бурхасын удмын сүрэг гэсэндээ гал шиг цоролзож байна. Энэ буянтай адуу маний хэдэн үеийг дамжиж, хэний сүргийн сор болон өнөө бидэнд ирсэн юм, хөөрхий!” гэсээр эхнэрээ нэг их бардам харав.
Доржмаа “Догшин арсланг ч оосорлож болдог орчлон! Манай Баржав яахав, гэнэн хөөргөн, цайлган хүн. Хөөрөхгүй бол энэ минь өөрөө ч хүн биш болно. Үйлс нь ч бүтэхгүй. Өндөр дээдсийнхээ удмыг хүн шиг тээж яваа манайхан цаанаа л эрэмгий зоргоор улс. Энэ минь дээлийн энгэрээ задгайлж, дэлтийнхээ нуруунд сандайлаад дүнжгэр ногоон уулсын дундаа бууж мордож, ууж амсаж яваад зэлээ эвхэнэ, хорвоо тийм хойно. Харин өдий хүртэл удам судраасаа айж нууцалсан нь гунигт тавилан. Баржав өнөөдөр өрөөл бусдын адил эцэг дээдсээрээ худлаа гайхуулж нүгэл хийгээгүй, хэрэв тэгэх аваас насны үйлс хазайна. Энэ маань мөрөөрөө амьтан” гэхээс Доржмаа нөхрөө улам ч ихээр бахдав.
Бүсгүй хүний ухаан гэдэг!
Санжийн Пүрэв
-
2016 оны 6 сарын 26
Өнөөдөр манай хамт олны хувьд нэгэн гайхамшигтай өдөр байлаа. Монгол улсын хамгийн анхны бүрэн хэмжээний мэргэжлийн балет болох ”Бахчисарайн оргилолт булаг” бүтээлийн Монголын тайзнаа амьдарсан 60 жилийн түүхэн их баярыг тэмдэглэн өнгөрүүллээ. Бүтэн жарны тэртээ Монгол улсад мэргэжлийн балетыг үүсгэн буй болгосон, өнөөдрийн бидний замыг засч өгсөн ахмад уран бүтээлчид маань хүрэлцэн ирж хүндэтгэлийн тоглолтондоо оролцлоо. Энэхүү бүтээлийг хамгийн анх Монголын тайзнаа тавьсан балетмейстер И.М.Хабаева гуай болон 60 жилийн өмнө анх удаа уг бүтээлд тоглосон ахмад уран бүтээлчид, үе үеийн балетын жүжигчид, хөгжимчид, үйлдвэр тайзны ажиллагсад, маркетингийн алба, нийт хамт олондоо алдарт бүтээлийн түүхэн их ойн мэнд дэвшүүлж хамгийн сайн сайхан бүхнийг хүсэн ерөөе. Үе үеийн үзэгч олондоо мөн 60 жилийн ойн баярын мэндийг хүргэе. Энэ баярыг тэмдэглэхэд маань тусалж дэмжсэн БСШУЯ, ОХУ-ын ЭСЯ, Элчин сайд ноён И.К.Азизов, Мишээл Экспо Групп, Серж Меценат сан, Кредит банк, МCS-СББ ХХК зэрэг байгууллага, хүмүүст хамт олныхоо өмнөөс чин сэтгэлийн талархал илэрхийлье.
Today was incredible day for our theater. We celebrated 60th Anniversary of Premier of ballet ”The Fountain of Bakhchisarai” at Mongolian stage. ”The Fountain of Bakhchisarai” is first, professional, full-length ballet for Mongolia. First balletmaster of Mongolia Mrs. I.M.Khabayeva, cast of first performance of this ballet and ballet dancers and musicians of many generations were invited to this special evening. Congratulations to all artists and staff of our theater and wishing all the best and bright for the future. Also, I would like to express my deepest appreciation to MECS, Embassy of Russian Federation in Mongolia, Ambassador I.K.Azizov, Misheel Expo LLC, Serj Mecenate Foundation, Credit bank and MCS-SBB LLC for supporting this very special event.
-
2016 оны 6 сарын 26
VTVHD телвизээс зохион баигуулж буй ”All Or Nothing” шоуны финалын тоглолт энэ сарын 28-нд буюу ирэх мягмар гаригт болох гэж байна. 5 сарын хугацаанд үргэлжилсэн уг шоу нэвтрүүлгийн супэр шагнал бол дэлхийн алдарт реппер Snoop Dogg-той хамт дуулж, клип хийлгэх эрх билээ. Тэгвэл энэ сарын 28-нд энэ азтай авъяастан хэн болох нь тодрох нь.
Шоу тоглолт ”Corprate Hotel”-ийн Convention Centre –т болох юм байна. Тасалбар хэдийнээ худалдаанд гарсан гэж байна шүү. Та бас битий хоцроорой олон олон гэнтийн бэлэг уран бүтээлчдээр дүүрэн гайхалтай шоу тоглолт болох юм байна.
-
2016 оны 6 сарын 25
Амьд хөгжмийн “PLAYTIME-2016” наадам 6 сарын 24,25,26-ны өдрүүдэд Монгол Шилтгээнд болно
-
2016 оны 6 сарын 24
Монголын тамирчдын баярыг жил бүр долдугаар сарын эхний ням гарагт тэмдэглэж заншсан бөгөөд 7 дугаар сарын 3-нд зохион байгуулахаар болжээ.
Ингэхдээ “Азийн хүүхдүүд-2016” олон улсын хүүхдийн спортын наадамд оролцох өсвөрийн тамирчдыг үдэн гаргах ёслолтой хамтатган тэмдэглэх тухай Эрүүл мэнд, спортын сайдын тушаал гарсан байна. Олимпийн жилтэй давхцаж байгаа гэдгээрээ өндөр ач холбогдол өгч байгаа юм. Тамирчдын баярын өдөр биеийн тамир, спортын салбарын зүтгэлтнүүдийн хүндэтгэлийн жагсаал, спорт, урлагийн арга хэмжээ, эрдэм шинжилгээний бага хурал зэрэг олон арга хэмжээ зохион байгуулж өргөн тэмдэглэнэ.
-
2016 оны 6 сарын 24
Камертон хамтлаг өнөөдөр 21 нас хүрлээ. Тус хамтлагийнхны зүгээс фэйсбүүк хуудсаараа дамжуулан, ”Энэ бүх хугацаанд КАМЕРТОН хамтлагтай хамт байсан нийт фэнүүддээ баярын мэнд хүргэе. Цоо шинэ цомгийн маань хамгийн эхний дуу ”Хүлээсийг минь тайл” удахгүй та бүхний сонорт хүрэх болно” хэмээх бас нэгэн баяртай мэдээг дуулгасан байна.
Дашрамд дурдхад, Тэдний анхны уран бүтээл алдар монгол хүн бүрийн аманд хүлхэгдэж байдаг “Маамуу нааш ир” дуу байсан бөгөөд энэхүү дууг тэд хөгжимгүйгээр дөрвөн хоолой салган дуулсан нь хэн хүний анхаарлыг татсан юм.
-
2016 оны 6 сарын 24
2009 оноос хойш зохион байгуулагдаж буй амьд хөгжмийн “Play time” наадам “Найрсаг Улаанбаатар” хөтөлбөрийн хүрээнд 3 дахь жилдээ зохион байгуулагдах гэж байна.
-
2016 оны 6 сарын 23
Монголын жүдо бөхийн холбооноос “РИО-2016” зуны олимпийн наадамд оролцох жүдо бөхийн багийн бүрэлдэхүүнийг өнгөрсөн дөрөвдүгээр сард зарласан. Тэгвэл өчигдөр албан ёсоор Монголын жүдогийн шигшээ багийн мэдүүлгийг илгээжээ. “Рио”-г зорих жүдочдыг олимпийн аварга Н.Түвшинбаяр ахалж байгаа юм. Олимпийн наадамд оролцох Монголын багт дараах тамирчид багтаж байна.
Эрэгтэй
-60 кг- Ц.Цогтбаатар
-66 кг-Д.Төмөрхүлэг
-73 кг Г.Одбаяр
-81 кг-О.Ууганбаатар
-90 кг Л.Отгонбаатар
-100 кг Н.Түвшинбаяр
+100 кг Б.Тэмүүлэн
Эмэгтэй
-48 кг М.Уранцэцэг
-52 кг А.Цолмон
-57 кг Д.Сумъяа
-63 кг Ц.Мөнхзаяа
-70 кг Ц.Наранжаргал
-78 кг П.Лхамдэгд
+78 кг О.Жавзмаа
-
2016 оны 6 сарын 23
П.И.Чайковскийн сонгодог бүтээлүүд эгшиглэнэ
-
2016 оны 6 сарын 22
“Рио 2016” олимпод оролцох тамирчид хоёр янзын хувцас өмсөх бөгөөд нэг нь ёслолын нөгөөх нь бэлтгэлийнх байдаг. Тэгвэл ёслолын хувцасыг “Шилмэл загвар” компани урлахаар болоод байна.
Энэ жилийн ёслолын хувцас өмнөх хоёр жилийнхтэй адил шар өнгөтэй байх аж. Мэдээж дизайны хувьд өөрчлөгдсөн гэдгийг албаныхан дуулгаж байна. Харин тамирчдын бэлтгэлийн хувцсыг олон улсын брэнд хувцас өмсөх нь зохистой гэж үзэж, гадаадаас захиалахаар болжээ.
-
2016 оны 6 сарын 22
Нийслэлийн Аялал жуулчлалын газар, “МИАТ” ХК хамтран Хонгконгийн “ITE-2016” олон улсын аялал жуучлалын үзэсгэлэн яармагт оролцлоо. 6-р сарын 16-19-ний хооронд үргэлжилсэн тус үзэсгэлэнд аялал жуулчлалын салбарын 300 гаруй байгууллага, улс, хот оролцов. “Найрсаг Улаанбаатар” хөтөлбөрийн хүрээнд хөрш орнууд, шууд нислэг бүхий хотууд руу чиглэсэн гадаад сурталчилгааг идэвхжүүлэх зорилготойгоор “ITE” үзэсгэлэнд Улаанбаатар хот 2 дахь жилдээ оролцож байгаа юм. Хонгконгийн пасспорт бүхий иргэд дэлхийн 140 гаруй оронд визгүй зорчдог бөгөөд манай улсад 14 хоногийн хугацаанд визгүй зорчих боломжтой байдаг. 7 сая гаруй хүн амтай ч гадаад аялалд жилд 20 гаруй тэрбум ам.долларыг зарцуулдаг судалгаа байна. Мөн сүүлийн жилүүдэд ажил, албан хэргийн журмаар манай хотыг зорих Ази зорчигчдын урсгал нэмэгдэж байгаа нь энэхүү үзэсгэлэнгийн ач холбогдлыг улам нэмэгдүүлж байна. “МИАТ” ХК зуны улиралд долоо хоногт 5 удаа Улаанбаатар-Хонгконг чиглэлд нислэг үйлддэг гэж Нийслэлийн Аялал жуучлалын газраас мэдээллээ.
