1996 онд Казиногийн хуулийг батлуулсан хэргээр ял сонссон УИХ-ын гишүүн асан Д.Баттулга одоо НИТХ-ын даргаар ажиллаж байгаа билээ. Тэгвэл Казиногийн хуулийг батлах эсэх асуудал УИХ-аар хэлэлцэж байгаа энэ үед тэрбээр өөрийн байр суурийг илэрхийлсэн байна.
Тэрбээр “Казино байгуулах хэрэгтэй. Гэхдээ бидний үед санаачилсан тийм нөхцөл байдлаас өөр шүү. Тэр үед казино байгуулсан бол өнөөдөр Монголын эдийн засаг нэлээд өөрчлөгдөх байлаа. Одоо бол хэрэгтэй нь хэрэгтэй. Гэхдээ бидний үед буюу 15 жилийн өмнөх нөхцөл байдал өөр болсон шүү гэдгийг хэлмээр байна. Гэхдээ ямар зохицуулалтаар хийхийг би мэдэхгүй” хэмээн ярьжээ.
УИХ-ын чуулганы хуралдаанаар Казиногийн тухай хуулийг хэлэлцэхийг дэмжээд байгаа билээ.
Т.Энхэлээ
Сэтгэгдэл (11)