Авто тээврийн үндэсний төв ТӨҮГ -ын  Сонгинохайрхан техникийн хяналт үзлэгийн төвөөс урин дулаан зун цаг ирж  нийслэл хотын маань иргэд ,оюутан залуус, сурагч багачууд,  ажил амралт болон бусад шалтгаанаар хөдөө орон нутгийг зорих хөдөлгөөн эрчимтэй нэмэгдэж байгаатай холбогдуулан учирч болох эрсдэлээс сэргийлж  “Аюулгүй тээвэр” сэдэвт  аян зохион байгуулж байна.

Дээрх аяны хүрээнд сонгинохайрхан төвийн хамт олон техникийн хяналтын үзлэгийг өглөөний 08:00 цагаас оройн 20:30 минут хүртэл тасралтгүй ажиллаж,  монгол улсын зөвлөх болон мэргэшсэн инженерүүд  таньд зөвлөгөө мэдээлэл өгч байна. Тодруулбал жолооч  таны авто машины  урд хойд тэнхлэгийн  тохиргоо, тоормозны систем,   их гэрлийн тохиргоо, жолооны механизм,  хүрдний сул явалт , явах эд ангийн үзлэг шалгалт, компьютер оношлогоо, хөдөлгүүр болон хүч дамжуулах ангийн үзлэг ,хорт утааны түвшин мөн авто машины ерөнхий байдал, авто тээврийн тухай болон замын хөдөлгөөний аюулгүй байдлын тухай зэрэг холбогдох хууль тогтоомжуудыг тайлбарлан жолооч таны төмөр хүлгийг аюултай эрсдэлтэй  байдлаас  урьдчилан сэргийлж  ажиллаж буй юм байна.

Сонгинохайрхан дүүргийн 20 хороо сонсголонгын зам  хера холдинг баруун хойд талд байрлах уг төв даваагаас баасан гаригт 08:00-20:30,  бямба  ням гаригт 09:00-19:00 цаг хүртэл тасралтгүй ажилладаг ба 98984448 утсаар урьдчилан цаг захиалж техникийн хяналтын үзлэгтэй хамрагдаж болох аж. Иргэд жолооч нартаа хандаж хэлэхэд хөдөө орон нутаг руу хүлгийн жолоо залах гэж байгаа бол техникийн хяналтын үзлэгтэй хамрагдаад, техникийн бүрэн бүтэн байдалдаа хяналт тавьж зөвлөгөө мэдээлэл аваад аян замдаа гарахыг уриалж байна.