ЭЕШ өчигдөр дууссан бөгөөд шалгалтын хариу ирэх сарын 1-ны өдөр гарна. Энэ жил ЭЕШ-тай холбоотой маргаан гомдол багагүй гарсан бөгөөд мэргэжлийн байгууллагаас дээрх бүх мэдээллийг ташаа гэдгийг албан ёсоор мэдээлээд байгаа. Тэгвэл ЭЕШ-тай холбоотой гомдол, хүсэлт болоод дүн мэдээ хэрхэн гарах талаарх 24 баримтыг хүргэж байна.

Баримт 1. Элсэлтийн ерөнхий шалгалтын талаар “Боловсролын үнэлгээний төв”-өөс цахим ертөнцөөр гарч буй шалгалтын материал задарсан гэх мэдээлэлтэй холбогдуулан мэдэгдэл гаргажээ.

Баримт 2. Учир нь “Мэдэхгүй зүйлээ асуу” фейсбүүкийн группэд англи хэл, монгол хэлний шалгалтын тестийг 500000 төгрөгөөр зарна гэсэн мэдээлэл тарснаар худал, үнэн мэдэгдэхгүй цуу яриа дэгдээд байсан юм.

Баримт 3. Үүнтэй холбоотой асуудлаар  “Боловсролын үнэлгээний төв”-ийнхөн “Буруу ташаа, иргэдийг төөрөгдүүлсэн энэ мэдээлэл худал бөгөөд Цагдаагийн байгууллагатай хамтран хяналт хийсний дүнд хүүхдүүдийн сэтгэл зүйг ашиглан залилан хийж байсан нь тогтоогдсон" хэмээн мэдэгдэл гаргаад байгаа билээ.

Баримт 4. Мөн ЭЕШ-ын сэдэв, даалгавар нь задрах нууцлал алдагдах боломжгүй бөгөөд тус ажлыг ЦЕГ, ТЕГ-тай хамтарч тэдний бүрэн хяналт, хамгаалалт дор зохион байгуулдаг тул нийт шалгуулагч, эцэг эхийг анхаарал болгоомжтой байж, эдийн засаг сэтгэл санаагаар хохирохгүй байхыг анхааруулсан.

Баримт 5. Элсэлтийн ерөнхий шалгалт орон даяар энэ сарын 15-нд эхэлсэн бөгөөд өчигдөр дууссан юм.

Баримт 6. Шалгуулагчдын гэрээний хуудас, хариултын хуудсыг БҮТ дээр төвлөрүүлэн, шалгагч машинаар засаж дүн, оноог гаргана.

 
Баримт 7. Машинаар зассан нийт хариултын хуудасны 5-аас доошгүй хувийг санамсаргүй байдлаар сонгон дахин хяналтад оруулж баталгаажуулна.
 

Баримт 8. ЭЕШ-ын даалгаврын зөв хариултыг сүүлийн шалгалт явагдаж дууссан өдрөөс хойш 7 хоногийн дараа www.eec.mn вебсайт болон өдөр тутмын сонинд хэвлэн нийтэлнэ.

 
Баримт 9. ЭЕШ-ын дүн, оноо, жагсаалтыг 2016 оны 07 дугаар сарын 01-ний өдрийн 09:00 цагаас өмнө www.eec.mn вебсайтад байршуулан нийтэд зарласан байна.

Баримт 10. 2016 оны 07 дугаар сарын 05-наас өмнө шалгуулагчдын батламж хуудсыг тарааж дуусгасан байна.
 

Баримт 11. Шалгуулагч шалгалтын дүн, оноог өөрийн бүртгэлийн дугаар болон нууц код ашиглан www.eec.mn вебсайт-аас үзэж болно.
 

Баримт 12. Улаанбаатар хотын энэ онд төгссөн шалгуулагчид ЭЕШ-ын болон МХБШ-ын дүнгийн батламж хуудсыг өөрийн төгссөн сургуулийн захиргаанаас томилогдсон багш, ажилтнаас хүлээн авна.
 

Баримт 13. Хөдөө орон нутгийн нийт шалгуулагчид ЭЕШ-ын болон МХБШ-ын дүнгийн батламж хуудсыг аймгийн Боловсрол соёлын газрын ЭЕШ хариуцсан ажилтнаас авна.
 

Баримт 14. Улаанбаатар хотод шалгалт өгсөн өмнөх онд төгссөн шалгуулагчид ЭЕШ-ын болон МХБШ-ын дүнгийн батламж хуудсыг БҮТ-ийн олон нийттэй харилцах ажилтнаас хүлээн авна.
 

Баримт 15. Шалгуулагчдын мэдээллийг БҮТ-д электрон сан бүрдүүлэн архивлана.
 

Баримт 16. ЭЕШ-ын болон МХБШ-ын батламж хуудас нь шалгалт өгснөөс хойш 2,5 жил /30 сар/-ийн хугацаанд хүчин төгөлдөр байх бөгөөд үрэгдүүлсэн тохиолдолд дахин олгохгүй бөгөөд БҮТ-д хандан дүнгийн тодорхойлолт авч болно.
 

Баримт 17. Хүчинтэй хугацаа нь дуусгавар болсон батламж /дүнгийн тодорхойлолт/ нь их, дээд сургууль, коллежид элсэх үндэслэл болохгүй бөгөөд үүнтэй холбоотой хариуцлагыг БҮТ хүлээхгүй.
 

Баримт 18. Иргэдээс ирсэн ЭЕШ болон МХБШ-тай холбоотой өргөдөл, гомдлыг шийдвэрлэх 5-7 хүний бүрэлдэхүүнтэй комисс ажиллана.
 

Баримт 19.  Бүртгэл болон шалгуулагчийн хувийн мэдээлэлтэй холбоотой өргөдөл /овог нэр, регистрийн дугаар, цээж зураг/-ийг бүртгэлийн хугацаанд БҮТ-ийн 70119498, и-мэйл, онлайн чат үйлчилгээгээр but@eec.mn хаягаар хүлээн авна. Мөн өөрийн биеэр бичиг баримттайгаа энэхүү журмын 5.3-т заасан хаягаар ирж шийдвэрлүүлж болно.
 

Баримт 20. Шалгуулагч шалгалтын дүн, оноотой санал нийлэхгүй байгаа болон шалгалтын дэвтэр, хариултын хуудастай холбоотой өргөдлөө бичгээр гаргаж, шалгалтын дүн, оноо зарлагдсанаас хойш ажлын 5 өдөрт багтаан Улаанбаатар хот, Баянзүрх дүүрэг, 6-р хороо, Энхтайваны өргөн чөлөө, Оюуны Ундраа группийн байр гэсэн хаягаар БҮТ-д ирүүлнэ.
 

Баримт 21. Өргөдлийг хуулийн хугацаанд багтаан шийдвэрлэж хариуг бичгээр өгнө.
 

Баримт 22. Шалгуулагчийн буруутай үйлдлээс шалтгаалсан зөрчилтэй холбоотой өргөдлийг хүлээн авч шийдвэрлэх боломжгүй бөгөөд шалтгаанаа тодорхой заагаагүй болон буцах хаяггүй өргөдлийг мөн хүлээн авахгүй болно.

Баримт 23. ЭЕШ энэ сарын 15-ны өдөр эхэлсэн бөгөөд өчигдөр албан ёсоор дууссан.

Баримт 24. Энэ жил ЭЕШ-ыг 37800 залуус өгсөн. Тэдний 36207 нь ерөнхий боловсролын дунд сургуулийн 12 дугаар анги төгсөгчид юм.

24tsag.mn