Сүүлийн үед автомашины толь хулгайлах гэмт хэрэг ихээр гарах болсон. Эл асуудлын эсрэг өдөр шөнөгүй, нойр хоолоо умартан ажилладаг цагдаагийн алба хаагч нар нэгэн арга олсон нь арилахын аргагүй "Тамгалах" ажиллагаа. Өөрөөр хэлбэл хулгайд хамгийн ихээр алдагддаг автомашины толин дээр улсын дугаарыг нь бичиж өгөх ажлыг Баянзүрх дүүргийн Цагдаагийн 1 дүгээр хэлтсийн алба хаагч нар анх удаагаа эхлүүлж байна. Эхний ээлжинд БЗД-ийн нутаг 13 дугаар хороолол орчимд энэ ажлыг эхлүүлж, цаашид нийслэл даяар хэрэгжүүлэх аж. Ард түмнийхээ амгалан, тайван байдлын төлөө зүтгэж буй цагдаа ахдаа баярлалаа хэмээн "ЭЕРЭГ 24" талархал илэрхийлж байна.