Сүүлийн өдрүүдэд үргэлжлэн орж буй борооны улмаас голын усны түвшин нэмэгдэж, усанд боогдох, осолдох тохиолдол гарсаар байгааг албаны хүмүүс анхааруулсаар байна.

Тухайлбал өнгөрсөн мягмар гарагт  Хөвсгөл аймгийн Тариалан сумын Мандал багийн “Хадтай-Үзүүр” гэдэг газар  Шивэртийн голд “Хайлюкс” загварын автомашин суусан гэсэн дуудлагын дагуу Онцгой байдлын газрын 9 албан хаагч, 1 техник хэрэгсэлтэйгээр ажиллаж  машин дотор байсан 3-н том хүн, 4-н хүүхдийг үерийн уснаас авралтын үйл ажиллагаа явуулж цаг алдалгүй ажиллаж 7 иргэний амийг аварч  машиныг нь татаж гаргажээ.