Согтууруулах ундаагаар үйлчлэх тусгай зөвшөөрөлтэй баар, рестораныг өвөл болон зуны цагийн хуваарийн дагуу ажиллуулах захирамжийн төслийг Улаанбаатар хотын Захирагчийн ажлын албанаас боловсруулжээ.

Тодруулбал, согтууруулах ундаагаар үйлчлэх тусгай зөвшөөрөлтэй газруудын цагийн хязгаарт өөрчлөлт оруулж аравдугаар сарын 1-ээс зургаадугаар сарын 1-ний өдөр хүртэл 00:00 цаг, зургаадугаар сарын 1-ээс аравдугаар сарын 1-ний хооронд 02:00 цаг хүртэл үйл ажиллагаа явуулахыг зөвшөөрч байгаа аж.