“Ulaanbaatar book fair 2016” олон улсын номын баяр Сүхбаатарын нэрэмжит талбайд үргэлжилж байна.

Номын баяр өнөөдөр 09:00-20:00 цаг хүртэл үргэлжлээд өндөрлөх юм. Энэ үеэр  олон улсын соёлын үзэсгэлэн, “Ном яръя, кофе ууя”, “Уншлагын баяр”, дэлхийн өнцөг булан бүрээс ирсэн хүүхдүүдтэй уулзах, ахмад зохиолчдын хүндэтгэлийн арга хэмжээ, зохиолын дүрийн тоглолт, номын үзэсгэлэн худалдаа, хүүхдийн зургийн уралдаан, номын шагналтай тэмцээн уралдаан зохиогдох юм байна.

Мөн ном хэвлэлийн байгууллагууд номоо 20-50 хувийн хямдралтай худалдах аж. Мөн номын баярын үеэр зохиолчидтой уулзан гарын үсэгтэй номыг нь өөрөөс нь худалдаж авах боломжтой юм.