Лууван нь А аминдэм,каротин ихээр агуулдаг. Энэ нь хүүхдийн өсөлт хөгжил,нүдний хараанд сайнаар нөлөөлөхөөс гадна ислэг ихтэй тул биенээс илүүдэл холестеринийг гадагшлуулах, мөн цусны даралт ихсэх,судас хатуурах өвчнөөс урьдчилан сэргийлдэг. Ингээд бяцхан үрсдээ луувангийн зутан шөл хийж өгцгөөе.



Орц:
-600гр лууван
-1ш төмс(хийхгүй ч байж болно)
-150гр сүүн крем(цөцгий,зөөхий байж болно)
-1 л ясны шөл
-сонгино,сармис
-давс перец өөрийн амталгаагаар
-цөцгийн тос 1 амны халбага

Жижиг шоо дөрвөлжин хэрчсэн ногоогоо 10" жигнээд блендэрлэж нухашлана.(Буузны жигнүүрт жигнэж болно).Энэ зуураа сайтар халаасан хайруулын тавганд цөцгийн тосондоо сонгино,сармисаа жижиглэн хуурч өгөөд дээр нь ясны шөл,бэлдсэн ногооны нухашаа нэмээд 1 буцалгаад давс перец тааруулан амталж галаа унтраагаад 150гр сүүн кремээ нэмж өгнө.

Ясны шөл бэлтгэх:Үхрийн булууны ясыг жижиглээд хүйтэн усанд хийж хонуулна. Хонуулсан усаа асгаад дахин ус нэмж нэг буцалгаад мөн асгана. Дахин усаа хийгээд зөөлөн гал дээр 3 цаг буцалгасанаар кальци амин дэмээр баялаг ясны шөл маань бэлэн болно.Үүнийгээ хэрэглэх хэмжээгээр таслан хөлдөөж бүх төрлийн хоолондоо ашиглаж болно


Луувангийн зутан шөл бэлэн боллоо.