Үндсэн хуулийн цэцийн дунд суудлын хуралдаан өчигдөр боллоо. Хуралдаанаар Сонгуулийн зарим заалт Үндсэн хууль зөрчсөн эсэхийг хэлэлцсэн.
Нэр бүхий иргэдээс Үндсэн хуулийн Цэцэд “Сонгуулийн тухай хуулийн 160 дугаар зүйлийн 160.5 дахь хэсэгт орон нутгийн хурлын сонгуульд нэр дэвшигч хууль зөрчсөн тохиолдолд бусад сонгуульд нэр дэвшигчтэй харьцуулахад хэт өндөр хариуцлага хүлээлгэхээр хуульчилсан нь хууль зөрчсөн” гэсэн гомдол иржээ.
Үндсэн хуулийн цэц иргэдийн гомдлыг дунд суудлаар хуралдан маргааныг хянан хэлэлцээд "Сонгуулийн хуулийн 160 дугаар зүйлийн 160.5 дахь хэсгийн заалт Үндсэн хууль зөрчсөн" хэмээн дүгнэж, түүний үйлчлэлийг Үндсэн хуулийн цэц өчигдрөөс эхлэн түдгэлзүүлжээ. Улмаар энэ удаагийн Сум, дүүргийн иргэдийн төлөөлөгчдийн хурлын сонгуульд дээрх хэрэглэгдэхгүй болсон байна.
