УБТЗ хувь нийлүүлсэн нийгэмлэгийн одоогийн дарга Л.Пүрэвбаатарыг ажлаас нь чөлөөлөх гэж байгаа тухай албан бус мэдээлэл цацагдсан. Тэгвэл эл мэдээлэл нь үнэн бөгөөд эрх баригчид тус нийгэмлэгийн даргаар Д.Жигжиднямааг томилохоор болсон гэнэ.

УБТЗ-ын нийгэмлэгийн дараагийн даргын томилгоог өнөөдөр Москва хотноо хийхээр төлөвлөгдсөн Улаанбаатар Төмөр Зам Хувь нийлүүлсэн нийгэмлэгийн Ерөнхий хорооны хурлаар оруулж асуудлыг эцэслэн шийдвэрлэх юм байна.

УБТЗ-ын орлогч даргын албыг хашиж буй Д.Жигжиднямаагийн тухайд "Болд төмөр Ерөө гол" ХХК-ийн эзэн, УИХ-ын гишүүн Б.Дэлгэрсайханы хүн гэгддэг аж. Энэ ч утгаараа Б.Дэлгэрсайхан өөрийн хүнээ УБТЗ-ын удирдлагад шургуулахын тулд намдаа 500 орчим сая төгрөгийн хандив өргөсөн тухай мэдээлэл хэвлэлээр бичигдэж байв.