Зэвсэг, зэвсгийн чанартай зүйл ашиглан бусдын биед халдаж, онц их хэмжээний мөнгө дээрэмдсэн бүлэг этгээдүүдийн гурвыг нь улс даяар эрэн сурвалжилж байгаа юм байна.
Тодруулбал өнгөрсөн долоо хоногт нийслэлийн Сүхбаатар дүүргийн нэгдүгээр хорооллын ... орон сууцанд зодоон болоод байна" гэх мэдээлэл цагдаагийн байгууллагад иржээ. Мэдээллийн дагуу шалгахад тус байранд байсан нэр бүхий 10 иргэн рүү А, Б гэгч этгээдүүд хэсэг бүлэг хүмүүсийн хамт зэвсэг, зэвсгийн чанартай зүйл ашиглан биед нь халдаж, онц их хэмжээний мөнгө дээрэмдсэн хэрэг гарсан.
Цагдаагийнхан шуурхай ажиллаж, уг хэргийг үйлдэхэд оролцсон этгээдүүдээс дөрвийг нь барьж, саатуулаад байгаа билээ. Цагдаагийн байгууллагын өгч байгаа мэдээллээр уг дээрмийн хэргийг зохион байгуулсан толгойлогч болох дөрвөн хүнийг саатуулжээ. Харин уг хэргийг хамтарч үйлдсэн гэх бусад гурван хүнийг улс даяар эрэн сурвалжилж байгаа юм байна.
Сэтгэгдэл (13)