Тамхи татах нь хүний удмын мэдээллийн сан буюу ДНК-д өөрчлөлт оруулдаг болохыг хэсэг эрдэмтэд тогтоожээ. Тодруулбал, тамхичин хүн 1 жил тамхи татахад уушигны 150 эс мутацид орж, ирээдүйд хорт хавдарт өртөх магадлал өсдөг гэнэ.

Хэрэв та 20 жил тамхи татаж байгаа бол төдий их хэмжээний эс мутацид орж, эрүүл чанараа алдан, хорт хавдрын өгөгдөл болоход бэлтгэгдэж байдаг ажээ.

Судлаачид Памела Па хэмээх эмэгтэйг сонгон авч, түүний биед эсийн шинжилгээ хийсэн юм. Памела бол өдгөө уушигны хорт хавдартай гэж оношлогдсон, архаг тамхичин байсан эмэгтэй аж. Тэрбээр 69 настай ба 17 насандаа анх тамхинд орсон бөгөөд тасралтгүй 50 жил хорт утаагаар уушиглажээ. Судлаачид түүнийг уушигны эсийн задралд шинжилгээ хийхэд, Памелагийн хорт хавдрын шалтгааны 95 хувь нь тамхинаас болсон байв. Түүний уушиг бүрэн мутацид орж ДНК-ийн өөрчлөлтөд шилжсэн байсан аж.

Мөн судлаачид өдөрт нэг хайрцаг тамхи татдаг хүн ямар эсийн өөрчлөлтөд орж, эрүүл мэндээ хохироодог тухай дэлгэрэнгүй тайлбар хийжээ.

-Уушигны 150 эс мутацид орж, хорт хавдарт бэлдэж эхэлнэ.

-Төвөнх, дуу хоолойн 97 эс мутацид орно

-Амны 23 салст эс гэмтэж, мутацилагдана

-Давсагны 19 эс мутацид орно

-Элэгнээс 6 эс мутацид орно.