Орон нутгийн автобус, онгоц, галт тэрэгний билетийг нэг дороос цахимаар захиалдаг болно.  Зам тээврийн хөгжлийн яамнаас мэдээлж буйгаар ирэх оны нэгдүгээр улирлаас үүнийг хэрэгжүүлэх юм байна. 

Тодруулбал, тасалбар түгээх ТҮЦ машиныг гаргахаар болжээ.  Энэ нь иргэдийн одоо ашиглаж буй лавлагаа олгодог ТҮЦ машин биш аж. Зөвхөн төмөр зам, орон нутгийн автобус,  онгоцны үйлчилгээг нэг дороос үзүүлэх тусгай ТҮЦ машин байх юм.

Одоогоор ТҮЦ машиныг хаана байрлуулах тодорхой мэдээлэл гараагүй. Албаныхны зүгээс томоохон худалдааны төв, аялал жуулчлалын компани, тээврийн товчоо, Төв шуудан гэх мэтчилэн хүн олонтой газар байрлуулна хэмээж буй юм.

 Иргэд тасалбар түгээх машинаас өөрийн аяллын өдөр, суудлын хуваарь, цаг гэх мэтчилэн бүгдийг сонгоод, мөнгөө хийгээд захиалах боломжтой. Үүнээс гадна ТҮЦ машинаас зам тээврийн салбарын бүх төрлийн лавлагаа авч болохоор зохицуулах гэнэ