“Жендерт суурилсан хүчирхийлэлтэй тэмцэх 16 хоногийн аян”-ныг 19 дэх жилдээ уламжлал ёсоор тэмдэглэх гэж байна.

Энэхүү аян нь энэ сарын 25-аас ирэх сарын 10-ны өдрүүдэд зохион байгуулагдахаар болжээ. Үүнийг манай улсад 1997 оноос Хүчирхийллийн Эсрэг Үндэсний Төв санаачлан жил бүр тасралтгүй зохион байгуулж ирсэн түүхтэй.

Хүчирхийллийн эсрэг үндэсний төвөөр 1995-2014 онд үйлчлүүлсэн 14547 хүний 73 хувь нь бие махбодийн, 68 хувь нь эдийн засгийн, 39 хувь нь бэлгийн, 100 хувь нь сэтгэл санааны хүчирхийлэлд өртсөн гэх статистик тоо бий. 

Аянд нэгдэж, охид эмэгтэйчүүдийн эсрэг хүчирхийллийг зогсооход хувь нэмрээ оруулах нь иргэн бүрийн үүрэг гэдгийг холбогдох албаныхан онцолж буй. Хэрвээ дээрх аянд нэгдэхийг хүсвэл Хүчирхийллийн Эсрэг Үндэсний Төвийн 70119949, 70149929 утас болон mongolcav@gmail.com, mongolcav@mongol.net и-мэйл хаягаар холбогдох боломжтой юм байна.

Уг  аяны  дэлхийн 180 гаруй орны 6000 орчим байгууллага нэгдэн охид эмэгтэйчүүдийн хүчирхийллийн эсрэг дуу хоолойгоо нэгтгэн чуулдаг уламжлалтай юм.