Замын цагдаагийн албаны ЖШУХ дээр нийт 624 дуудлага, мэдээ мэдээлэл хүлээн авснаас, зам тээврийн ослын 474 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 10 бүртгэгдэж, 9 хүн хүнд хөнгөн гэмтэж, 1 хүний амь нас хохирсон.
Согтууруулах ундааны зүйл хэрэглэсэн үедээ зам тээврийн осолд холбогдсон жолооч 10. Зам тээврийн осолд сургуулийн насны 1, сургуулийн өмнөх насны 1 хүүхэд өртсөн. Согтуугаар тээврийн хэрэгсэл жолоодсон нийт 91 жолоочийг илрүүлж гарч болзошгүй осол хэргээс урьдчилан сэргийлж ажилласан байна.
Тухайлбал: СХД-ийн нутаг Жаргалант тосгоны замд амины T.Prius-20 маркийн Л жолоочтой автомашин онхолдож, зорчигч 61 настай М-н амь нас хохирчээ.
СХД-ийн нутаг Эрчим хүчний гудамж, ТЭЦ-4-н уулзварт марк, улсын дугаар тодорхойгүй автомашины жолооч нь гэрэл дохионы шон мөргөж хугалаад ослын газрыг орхин явсан.
Орон нутагт:
Булган аймгийн Орхон сумын 4-р баг, Бяцхан хөтөлийн замд амины Istana маркийн Б жолоочтой автомашин онхолдож, зорчигч 49 настай, эрэгтэй Г-н амь нас хохирсон.
Сэлэнгэ аймгийн Баянгол сумын нутаг УБ хотоос 160 км-т T.Kluger маркийн Б жолоочтой автомашин T.Prius-20 маркийн Б жолоочтой автомашинтай мөргөлдөж, зорчигч 38 настай А-н амь нас хохирч, 4 хүн гэмтсэн.
Цас орж хальтиргаа гулгаа үүссэнтэй холбогдуулан замын хөдөлгөөнд оролцож буй жолооч та бүхэн цаг агаарын нөхцөл байдал, тээж яваа ачаа, замын зорчих хэсэг гадаргууны байдалд тээврийн хэрэгслийн хурдаа зөв тохируулан анхаарал болгоомжтой замын хөдөлгөөнд оролцохыг зөвлөж байна. Орон нутагт Хөвсгөл, Орхон, Сэлэнгэ, Дархан, Хэнтий аймагт халтиргаа гулгаа ихээр үүссэн байгаа тул орон нутгийг чиглэн явах гэж буй тээвэрчид, жолооч та бүхэн тээврийн хэрэгслийн техникийн бүрэн бүтэн байдал, зуны дугуйгаа өвлийн дугуйгаар солих, хамгаалах бүсээр тоноглогдсон тээврийн хэрэгслээр зорчиж байгаа бол хамгаалалтын бүсийг тогтмол хэрэглэж аюулгүй байдлаа сайтар хангаж замын хөдөлгөөнд оролцохыг зөвлөж байна. Зарим сүүдэртэй байгаа газрын замын цас мөс арилаагүй, хайлсан цас нь оройдоо мөстөж хөдөлгөөний аюулгүй байдалд сөргөөр нөлөөлж байх тул гарч болзошгүй осол хэргээс урьдчилан сэргийлэх зорилгоор зуны дугуйтай замын хөдөлгөөнд оролцож буй жолооч нарын тээврийн хэрэгслийг орон нутгийн замд хөдөлгөөнд оролцуулахгүй байх арга хэмжээг авч хэрэгжүүлэх гэж байна.
