Энэ оны хоёрдугаар сарын 1-нээс жолоочийн хариуцлагын оноо тооцох журам хэрэгжиж эхэлсэн.

Тодруулбал, хүний амь, эд хөрөнгөд эрсдэл учруулахуйц 19 тохиолдлыг оруулж өгсөн. Үүний 7 тохиолдолд 1 оноо, 7 тохиолдолд 2 оноо, үлдсэн 3 тохиолдолд 3-5 оноо хасагдах юм. Харин архи, согтууруулах ундаа хэрэглэсэн үедээ жолоо барьсан, урсгал сөрөх,  хурдны дээд хязгаарыг хэтрүүлсэн тохиолдолд 10 оноо шууд 0 болохоор журам батлагдсан.

Энэ дагуу арваннэгдүгээр сарын 8-ны байдлаар 202 жолоочийн зөрчлийн оноо дуусч, жолоодох эрхээ хасуулсан байна. Жолоочид ихэвчлэн согтуугаар тээврийн хэрэгсэл жолоодон оноо болон эрхээ хасуулж байгаа аж. Оноог хасахдаа бүх хуулийн заалтаар хасахаар журамлагдаагүй.