Өнөөдөр өглөөний 11:00 цагийн орчимд нийслэлийн Баянзүрх дүүргийн дөрөвдүгээр хороо Хилийн цэргээс баруун тийш 50 метрийн зайд замын хөдөлгөөнд оролцож байсан Toyota “Mark II” маркийн автомашин шатжээ.
Галын тухай дуудлага Нийслэлийн онцгой байдлын албаны шуурхайн удирдлагын төвд 11:08 цагийн үед ирсэн бөгөөд гал унтраах анги очиход замын хөдөлгөөнд оролцож байсан жолооч нар хор цацан галыг унтраасан байжээ. Галын улмаас бэртэж гэмтсэн хүн байхгүй аж. Галын шалтгааныг тогтоохоор холбогдох албаныхан ажиллаж байна.
