Өнөөдөр Улсын онцгой комисс хуралдаж цаг агаарын төлөв байдлын тухай хэлэлцсэн. Энэ талаар Ус цаг уур, орчны шинжилгээний газрын дарга С.Эрдэнэ ойрын 10 жилд тохиолдоогүй хүйтэн болно гэдгийг мэдээлсэн юм.

Тодруулбал, Энэ сарын 16-наас хойд туйлын хүйтэн агаар Сибирийн хойд хэсгээс Монголын баруун хойд хэсэг рүү орж ирснээс Сибирийн их даралтын орон хүчтэй эрчимжин, 17-25-ныг хүртэлх хугацаанд манай орны нутаг дээр байрлаж, цасан болон шороон шуургатай гэдгийг анхааруулаад буй. Тэгвэл энэхүү цаг уурын өөрчлөлт, онцгой нөхцөл байдлын үеэр сурагчдыг  амраах  талаар албаны хүнээс нь тодрууллаа.

Боловсрол соёл шинжлэх ухааны яамны хэвлэлийн ажилтан Х.Өнөржаргал " Одоогоор  энэ тохиолдолд өөрчлөлт оруулаагүй байгаа. Цаг уурын өөрчлөлттэй үед сурагчдыг амраах эсэх  нь тодорхойгүй байна. Т шаардлагатай Шаардлагатай тохиолдолд тухайн үед нь сайд тушаал гаргаж шийдвэрлэнэ" гэлээ.

Цаг уурын өөрчлөлттэй үед сурагчдыг амраах нь тодорхойгүй байна.

Энэ сарын 17-ноос эхэлж  нутгийн хойд хэсэг цаашдаа нийт нутгаар хүйтний эрч эрс чангарч, шөнөдөө Увс нуур, Идэр, Тэс голын хөндий, Дархадын хотгороор -42-оос -47 хэм, Сэлэнгэ, Хараа, Ерөө, Онон, Улз, Туул, Тэрэлж голын хөндийгөөр -30-аас -40 хэм хүрч малын бэлчээрлэлт, авто болон төмөр замын тээвэр, эрчим хүч, дулааны хангамжид хүндрэл учруулах цаг агаарын онцгой нөхцөл бүрдэх төлөвтэй байгааг анхааруулаад буй. 

Сурагчдын нэгдүгээр улиралын амралт  энэ сарын  3-9-ны өдрүүд хүртэл долоо хоног үргэлжилж  өнгөрсөн пүрэв гаригт хичээлдээ ороод байгаа юм.

Б.Цэцэг