Манай улсад Далай лам энэ сарын 18-22-ны өдрүүэд айлчилж өнөө өглөө буцаж буй юм. Түүний айлчлалыг эсэргүүцэж Хятадын талаас хоёр ч удаа Засгийн газарт шаардлага хүргүүлж, тус улсын гадаад хэргийн яамны хэвлэлийн төлөөлөгч Жен Шуан мэдэгдэл гаргасан юм.

Тэгвэл өчигдөр орой Монголын Засгийн газарт Хятадын талаас Монгол Улсын Шадар сайд У.Хүрэлсүхийн БНХАУ-д энэ сарын сүүлээр хийх айлчлалыг тодорхойгүй хугацаагаар хойшлуулж байгаа талаар мэдээлэл албан бусаар ирсэн талаар Засгийн газрын кабинетийн зарим баттай эх сурвалж мэдээллээ.

Манай улсаас тус улсад хийх зарим гишүүдийн айлчлал цуцлагдсан талаарх мэдээлэл өнөөдөр зарим хэвлэлээр цацагдсан. Энэ  талаар Гадаад Харилцааны Яамны холбогдох хүмүүс албан ёсоор Хятадын тал айлчлалыг хойшлуулах мэдэгдэл ирээгүй байна гэв.