Энэ өдөр билгийн тооллоор өвлийн эхэн сарын 25 бөгөөд буддын шашин­тай бүх улс түмэн Богд Зонхо­вын их дүйцсэн өдөр буюу "Зулын 25" хэмээн тэмдэглэж заншсан.

Энэ өдөр сүсэгтэн олон түмэн мацаг барьж, зул өргөж, арван хар нүглийг тэвчин бие, хэл, сэтгэлээ ариусган буян үйлдвээс өргөсөн нэг зул мянга болж, уншсан нэг маа­ни түм болж арвиждаг учиртай юм. Энэ өдөр их буян хураана гэсэн үг. Монголчууд зул өргөхдөө энэ ба хойтын буян, өөд бологсдын буянд зориу­лахын зэрэгцээ мал муулах­даа хүртэл сайн төрөл олохыг ерөөж зул өргөдөг заншил бий.

Энэ жилийн хувьд Зулын 25-ны хоёр өдөр дараалан тохиож байгаагаараа онцлог ажээ. Тиймээс өнөөдөр Зулын 25-ны хурал номыг сүм хийдэд хурна. Харин өчигдөр сүсэгтэн олонд зориулсан буяны номыг Бөхийн өргөөнөө хурсан юм. 

БШТ ГАНДАНТЭГЧЭНЛИН ХИЙДЭЭС БОГД ЛАМЫН ИХ ДҮЙЧИН ӨДӨР ЗОХИОН БАЙГУУЛАХ ҮЙЛ АЖИЛЛАГААНЫ ЕРӨНХИЙ ХӨТӨЛБӨР

07.00 -8.00 Их Хөлгөний нэг өдрийн бацаг санваар хүртээх / тэгчэн сожин / Гунгаачойлин дацанд Ганданлаврангийн багш Одсэр ренбүчи сүсэгтэн олон хайрлана.

07.00- 20.00 Гандан дуганд Богд ламын чого хурна

10.00 – 12:.00 Гандантэгчэнлин хийдийн Гунгаачойлин дацанд Цагаан дарь эхийн цэван айлдана. / Одсэр ренбүчи /

12.30 -13.30 Баянгол дүүргийн “Шинэ өргөө “ ТҮК –ийн ажилчдад ажлын байранд үдийн цай өргөж , Гандантэгчэнлин хийдийн лам хуврагууд лекц яриа хийнэ.

1. Төмөр зам
2. Бичил хороолол
3. 10 дугаар хороололын ажлын байранд тус тус хүрэлцэн очиж лекц яриа хийнэ.

07.00 – 20.00 Гандантэгчэнлин хийдийн Очирдарийн дуганд Сандуйн чого хурна

Гандантэгчэнлин хийдийн Дашчоймпэл дацанд Өвлийн эхэн сарын 24-26 өдрүүдэд гураван өдөр “Гурван нарын хурал” буюу “Чойнзод дом”-ын хурал хурна.

21.00 Очирдарийн дуганд энхтайваны мандал өргөнө. /Гандантэгчэнлин хийдийн лам хуврагууд, сүсэгтэн олон/

21.00 - 07.00 Гунгаачойлин дацанд Монголын Сүсэгтэний холбоо “ Мэгзэм” хурж хононо.